കണ്ണൂർ അന്താരാഷ്ട്ര വിമാനത്താവളത്തിന് പോയിന്റ് ഓഫ് കോൾ പദവി നൽകണമെന്ന് ആവശ്യപ്പെട്ടുകൊണ്ട് വിമാനത്താവളത്തിനു മുന്നിൽ എയർപോർട്ട് ആക്ഷൻ കൗൺസിൽ ചെയർമാൻ രാജീവ് ജോസഫിന്റെ അനിശ്ചിതകാല നിരാഹാര സത്യാഗ്രഹത്തിന് പിന്തുണയുമായി വ്യാപാരി വ്യവസായി ഏകോപനസമിതി കണ്ണാടിപ്പറമ്പ് യൂണിറ്റ് സമരപ്പന്തലിൽ എത്തി അഭിവാദ്യമർപ്പിച്ചു.
പുതിയ തെരുവ് മേഖലാ പ്രസിഡണ്ടും കണ്ണാടിപ്പറമ്പ് യൂണിറ്റ് പ്രസിഡണ്ടുമായ സി കുഞ്ഞഹമ്മദ് ഹാജി കണ്ണാടിപ്പറമ്പ് യൂണിറ്റ് ജനറൽ സെക്രട്ടറി കെ രാജൻ എന്നിവർ അഭിവാദ്യം ചെയ്തുകൊണ്ട് സംസാരിച്ചു.
