കണ്ണാടിപ്പറമ്പ്:പുലീപ്പി ഹിന്ദു എൽ.പി സ്കൂളിൽ പ്രധാനാധ്യാപിക സി. വി. സുധാമണി ദേശീയ പതാക ഉയർത്തി. സ്വാതന്ത്ര്യ ദിനാഘോഷ പരിപാടികൾ പി.ടി.എ. പ്രസിഡണ്ട് കെ. ബാബുവിൻ്റെ അധ്യക്ഷതയിൽ വാർഡ് മെമ്പർ പി.മിഹ്റാബി ഉദ്ഘാടനം ചെയ്തു. പാപ്പിനിശ്ശേരി ഉപജില്ലാ വിദ്യാഭ്യാസ ഓഫീസർ കെ. ജയദേവൻ മാസ്റ്റർ എൽ.എസ്.എസ്. വിജയികളേയും എസ്.എസ്.എൽ.സി, പ്ലസ് ടു പരീക്ഷയിൽ ഉന്നത വിജയം നേടിയ പൂർവ്വ വിദ്യാർത്ഥികളേയും വിവിധ മത്സര വിജയികളായ രക്ഷിതാക്കളേയും അനുമോദിച്ചു. കുട്ടികൾ ശേഖരിച്ച “വയനാടിനൊരു കൈത്താങ്ങ് ” അദ്ദേഹം ഏറ്റുവാങ്ങി. നൗമിക, അനുശ്രീ എന്നീ കുട്ടികൾ സമ്പാദ്യക്കുടുക്ക തന്നെ അദ്ദേഹത്തിന് കൈമാറി. മാതൃസമിതി പ്രസിഡണ്ട് എ. സുഷമ , മുൻ പ്രധാനാധ്യാപകൻ പി.സി. ദിനേശൻ എന്നിവർ സംസാരിച്ചു. സ്റ്റാഫ് സെക്രട്ടറി കെ. ഉഷ നന്ദി പറഞ്ഞു. തുടർന്ന് കുട്ടികൾ അവതരിപ്പിച്ച ദേശീയോദ്ഗ്രഥന പരിപാടികൾ നടന്നു. ശേഷം പായസവിതരണമുണ്ടായി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.