ആർഎസ്എസ് പ്രവർത്തകന്റെ വീടിനു സമീപം സ്ഫോടനം: നായ ചത്തു.

പെരിങ്ങോം: സ്റ്റേഷൻ പരിധിയിലെ കോറോംആലക്കാട്ട് നാടൻ ബോംബു പൊട്ടി ആർ എസ് എസ് നേതാവിൻ്റെ വീടിനടുത്ത് നായ ചത്തു.വിവരമറിഞ്ഞെത്തിയ പെരിങ്ങോം സ്റ്റേഷൻ പോലീസ് ഇൻസ്പെക്ടർ പി.സുഭാഷിൻ്റെ പരാതിയിൽ എക്സ്പ്ലോസീവ് ആക്ട് പ്രകാരംആർ.എസ്.എസ്.നേതാവ് ആലക്കാട്ടെ കെ എം. ബിജുവിനെതിരെ പെരിങ്ങോം പോലീസ് കേസെടുത്തു. പറമ്പിൽ നിന്ന്
നായ കടിച്ചു കൊണ്ടു വന്നതെന്നു കരുതുന്ന സ്ഫോടകവസ്തു വൻ സ്ഫോടനത്തോടെയാണ് പൊട്ടിയത്.സ്ഫോടനത്തിൽ സംഭവസ്ഥലത്തു വെച്ചു തന്നെനായ ചത്തു.
ആർ.എസ്.എസ് പ്രാദേശിക നേതാവ് ആലക്കാട് ബിജുവിന്റെ വീടിനടുത്ത റോഡിൽ ഇന്നലെ
വൈകുന്നേരം 4 മണിയോടെയായിരുന്നു സംഭവം. കേസെടുത്ത പോലീസ് അന്വേഷണം തുടങ്ങി.