ശ്രീകണ്ഠാപുരം. ബൈക്കിൽ പോകുകയായിരുന്ന പോലീസുകാരനെ കാർ ഇടിച്ച് അപായപ്പെടുത്താൻ ശ്രമിച്ച രണ്ട് പേർ അറസ്റ്റിൽ. കാർ ഓടിച്ച ശ്രീകണ്ഠാപുരം കണിയാർവയൽ സ്വദേശി ഞണ്ടൻ പുതിയപുരയിൽ അസ്നാസ് (21),
മയക്കുമരുന്ന് കേസിലെ പ്രതിയായ ശ്രീകണ്ഠാപുരം അടുക്കം സ്വദേശി വി.കെ.മുബിൻ (20) എന്നിവരെയാണ് വധശ്രമ കേസിൽ എസ്.ഐ. സി പി പ്രകാശനും സംഘവും അറസ്റ്റു ചെയ്തത്.കഴിഞ്ഞ ദിവസം പുലർച്ചെ 5.15 ഓടെ ശ്രീകണ്ഠാപുരം ടൗണിന് സമീപത്തായിരുന്നു സംഭവം. ബൈക്കിൽ പോകുകയായിരുന്ന സീനിയർ പോലീസ് ഓഫീസർ അനൂപിനെയാണ് ഇടിച്ചിട്ടശേഷം പ്രതികൾ കാറുമായി കടന്നുകളഞ്ഞത്.പോലീസ് ഉദ്യോഗസ്ഥൻ്റെ പരാതിയിൽ കേസെടുത്ത ശ്രീകണ്ഠാപുരം പോലീസ് പ്രതികളെ തന്ത്രപൂർവ്വം വലയിലാക്കി അറസ്റ്റുചെയ്യുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.