കണ്ണൂർ .പയ്യാമ്പലം ബീച്ചിൽ വിനോദ സഞ്ചാരത്തിനെത്തിയ കർണ്ണാടക സംഘത്തിലെ വയോധികയുടെ നാല് പവൻ്റെ മാല പൊട്ടിച്ച് രക്ഷപ്പെട്ട പ്രതികളെ പോലീസ് വയനാട്ടിൽ വെച്ച് പിടികൂടി. വളപട്ടണം പാലോട്ടു വയലിലെ കെഎൻ.നിബ്രാസ് (27), കണ്ണൂർ തോട്ടടയിലെ മുബാറക് മഹലിലെ മുഹമ്മദ് താഹ (21) എന്നിവരെയാണ് ടൗൺ സ്റ്റേഷൻ പോലീസ് ഇൻസ്പെക്ടർ പി.എ. ബിനു മോഹനും സംഘവും പിടികൂടിയത്.ഇക്കഴിഞ്ഞ ഞായറാഴ്ചയായിരുന്നു സംഭവം. രക്ഷപ്പെട്ട പ്രതികളെ നിരീക്ഷണ ക്യാമറകൾ പരിശോധിച്ചും സൈബർ സെല്ലിൻ്റെ സഹായത്തോടെയും നടത്തിയ അന്വേഷണത്തിലാണ് 48 മണിക്കൂറിനുള്ളിൽ വയനാട്ടിലെ മീനങ്ങാടിയിൽ വെച്ച് അറസ്റ്റു ചെയ്തത്.ഇവർനിരവധി മോഷണ,പിടിച്ചുപറി ക്രിമിനൽ കേസിൽ പ്രതികളാണ്.പോലീസ് സംഘത്തിൽ എസ്.ഐമാരായ ഷമീൽ, സവ്യസാച്ചി, അജയൻ, എ എസ് ഐ രഞ്ജിത്ത്, സേനാംഗങ്ങളായ ഷൈജു, രാജേഷ്, നാസർ, ഷിനോജ്, റമീസ് ,സന്ദീപ്, ബാബു മണി, സുഗേഷ് എന്നിവരും ഉണ്ടായിരുന്നു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.