പയ്യന്നൂർ കണ്ടോത്ത് എൽ.പി.ജി. ടാങ്കറും സിമന്റ് ബൾക്കറും കൂട്ടിയിടിച്ച് അപകടം; വൻ ദുരന്തം ഒഴിവായി

Kannadiparamba online news

പയ്യന്നൂർ: ദേശീയ പാതയിൽ പയ്യന്നൂർകണ്ടോത്ത് ഇന്ധനം നിറച്ച എൽപിജി ടാങ്കറും സിമൻ്റ് ബൾക്കറും കൂട്ടിയിടിച്ച് അപകടം. ടാങ്കർ ലിക്കില്ലെന്ന് പ്രാഥമിക നിഗമനം വൻ ദുരന്തമൊഴി വായി. അപകടത്തിൽ എൽപിജി ടാങ്കറിന്റെ ഡ്രൈവർ വാഹനത്തിനുള്ളിൽ കുടുങ്ങി. പയ്യന്നൂർ ഭാഗത്തുനിന്ന് കണ്ണൂർ ഭാഗത്തേക്ക് പോവുകയായിരുന്ന എൽപിജി ടാങ്കറും മംഗലാപുരം ഭാഗത്തേക്ക് പോവുകയായിരുന്ന സിമൻ്റ് ബൾക്കറുമാ ണ് കൂട്ടിയിടിച്ചത്. ഇന്ന് പുലർച്ചെ 4.50 മണിയോടെയാണ് സംഭവം.
അപകടത്തെ തുടർന്ന് നിയന്ത്രണം വിട്ട എൽപിജി ടാങ്കർ റോഡരികിലെ ചായക്കടയിലേക്ക് ഇടിച്ചുകയറുകയായിരുന്നു. വിവരമറിഞ്ഞ് പയ്യന്നൂർ ഫയർ ആൻഡ് റെസ്ക്യൂ സ്റ്റേഷനിൽ നിന്നും സ്റ്റേഷൻ ഓഫീസർ സി.പി. രാജേഷിന്റെ നേതൃത്വത്തിലെ ത്തിയ അഗ്നിരക്ഷാസേനാംഗങ്ങൾ രക്ഷാപ്രവർത്തനം നടത്തി. ടാങ്കറിൽ കുടുങ്ങിയ ഡ്രൈവറെ സുരക്ഷിതമായി പുറത്തെടുത്തു.
അപകടത്തിൽ പരിക്കേറ്റ സിമൻ്റ് ബൾക്കറിലെ ഡ്രൈവറെയും ടാങ്കർ ഡ്രൈവറെയും സേന ആംബുലൻസിൽ പയ്യന്നൂരിലെ ആശുപത്രിയിലെത്തിച്ചു.
അപകടസമയത്ത് എൽപിജി നിറച്ച ടാങ്കറായിരുന്നെങ്കിലും നിലവിൽ വാതകച്ചോർച്ചയൊന്നും കണ്ടെത്തിയിട്ടില്ല. അപകടത്തെത്തുടർന്ന് കൂടുതൽ സുരക്ഷാ മുൻകരുതലുകൾ സ്വീകരിച്ചിട്ടുണ്ട്. ഐ.ഒ.സി അധികൃതർ സ്ഥലത്തെത്തിയ ശേഷം ക്രെയിൻ ഉപയോഗിച്ച് ടാങ്കർ മാറ്റുന്നതിനുള്ള നടപടികൾ സ്വീകരിക്കും. അപകടത്തെ തുടർന്ന് കുറച്ചു സമയം ഗതാഗതം തടസ്സപ്പെട്ടു. വിവരമറിഞ്ഞ് സ്ഥലത്തെത്തിയ പയ്യന്നൂർ പോലീസ് വാഹന ഗതാഗതം പുനസ്ഥാപിച്ചു.

വാർത്തകൾ തത്സമയം അറിയാൻ

നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.

നിങ്ങളുടെ പ്രദേശത്തെ വാർത്തകൾ അറിയിക്കാൻ:

വാർത്തകൾ അയക്കാം (WhatsApp)

Mob: +91 96059 58974

Share This Article
error: Content is protected !!