തിരുവനന്തപുരം: നവംബറിലെ വിതരണം പൂർത്തിയായതിനാൽ റേഷൻ കടകൾക്ക് ഇന്ന് അവധിയായിരിക്കുമെന്ന് ഭക്ഷ്യപൊതുവിതരണ വകുപ്പ് അറിയിച്ചു. ഇന്നലെ വരെ 83 ശതമാനം പേർ റേഷൻ കൈപ്പറ്റി.ഡിസംബറിലെ റേഷൻ വിതരണം നാളെ ആരംഭിക്കും. എല്ലാ മാസവും വിതരണം പൂർത്തിയാകുന്നതിന്റെ തൊട്ടടുത്ത പ്രവൃത്തിദിവസം റേഷൻ കടകൾക്ക് അവധി നൽകാൻ സർക്കാർ കഴിഞ്ഞ മാസം തീരുമാനിച്ചിരുന്നു. ഇ- പോസ് യന്ത്രത്തിൽ അടുത്ത മാസത്തെ വിതരണം ക്രമീകരിക്കുന്നതിനുള്ള സിസ്റ്റം അപ്ഡേഷനു വേണ്ടിയും റേഷൻ വ്യാപാരികൾക്ക് നീക്കിയിരുപ്പുള്ളതും പുതുതായി വരുന്നതുമായ സ്റ്റോക്ക് ഇനം തിരിച്ച് സൂക്ഷിക്കുന്നതിനുമുള്ള സ്ഥലക്രമീകരണങ്ങൾക്കും വേണ്ടിയാണ് അവധി അനുവദിച്ചത്.
വെള്ള കാർഡിന് 6 കിലോ അരി
ഡിസംബറിൽ വെള്ള കാർഡ് ഉടമകൾക്ക് ആറു കിലോ അരി റേഷൻ വിഹിതമായി ലഭിക്കും. കിലോയ്ക്ക് 10.90 രൂപ നിരക്കിലാണ് അരി നൽകുക. നീല കാർഡ് ഉടമകൾക്ക് അധിക വിഹിതമായി മൂന്നു കിലോ അരി കിലോയ്ക്ക് 10.90 രൂപ നിരക്കിലും നൽകും. നീല കാർഡ് അംഗങ്ങൾക്ക് രണ്ടു കിലോ അരി വീതം കിലോഗ്രാമിന് 4 രൂപ നിരക്കിൽ സാധാരണ റേഷൻ വിഹിതമായും ലഭിക്കുമെന്ന് ഭക്ഷ്യപൊതുവിതരണ വകുപ്പ് അറിയിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.