കണ്ണൂർ: ജില്ലയിലെ 11 നിയമസഭാ മണ്ഡലങ്ങളിലേക്കുള്ള വോട്ടെടുപ്പ് പൂർത്തിയായപ്പോൾ കണ്ണൂർ ജില്ലയിൽ 78.60 ശതമാനം പോളിംഗ് രേഖപ്പെടുത്തി. കഴിഞ്ഞ തവണത്തേക്കാൾ ഉയർന്ന പോളിംഗാണ് ഇത്തവണ ജില്ലയിൽ ഉണ്ടായിട്ടുള്ളത്. 2021-ലെ നിയമസഭാ തിരഞ്ഞെടുപ്പിൽ ജില്ലയിലെ പോളിംഗ് ശതമാനം 77.67 ആയിരുന്നു.
മണ്ഡലം അടിസ്ഥാനത്തിൽ പരിശോധിക്കുമ്പോൾ മട്ടന്നൂരിലാണ് ഏറ്റവും കൂടിയ പോളിംഗ് രേഖപ്പെടുത്തിയത് (82.24%). ഏറ്റവും കുറവ് പോളിംഗ് ഇരിക്കൂർ മണ്ഡലത്തിലാണ് (74.32%). വരും ദിവസങ്ങളിൽ ഹോം വോട്ടിംഗ്, തപാൽ വോട്ടുകൾ എന്നിവ കൂടി ഉൾപ്പെടുത്തുമ്പോൾ പോളിംഗ് ശതമാനത്തിൽ നേരിയ വർധനയുണ്ടാകുമെന്ന് തിരഞ്ഞെടുപ്പ് കമ്മീഷൻ അറിയിച്ചു.
മണ്ഡലം തിരിച്ചുള്ള വോട്ടിംഗ് ശതമാനം (ബ്രാക്കറ്റിൽ 2021-ലെ ശതമാനം):
• പയ്യന്നൂർ: 80.57% (78.96%)
• കല്യാശ്ശേരി: 76.99% (76.41%)
• തളിപ്പറമ്പ്: 81.01% (80.94%)
• ഇരിക്കൂർ: 74.32% (75.63%)
• അഴീക്കോട്: 77.71% (77.89%)
• കണ്ണൂർ: 75.61% (74.94%)
• ധർമ്മടം: 81.44% (80.22%)
• തലശ്ശേരി: 76.33% (73.94%)
• കൂത്തുപറമ്പ്: 78.46% (78.15%)
• മട്ടന്നൂർ: 82.24% (79.54%)
• പേരാവൂർ: 79.1% (78.07%)
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.