ബ്രേക്കിംഗ്: കണ്ണാടിപ്പറമ്പ് ഉത്സവത്തിനെത്തിച്ച ആന വിരണ്ടോടി; നാറാത്ത് ആലങ്കീലിൽ തളയ്ക്കാനുള്ള ശ്രമം തുടരുന്നു; വാഹന ഗതാഗതം നിരോധിച്ചു

കണ്ണാടിപ്പറമ്പ്: കണ്ണാടിപ്പറമ്പ് ക്ഷേത്രോത്സവത്തിന്റെ ഭാഗമായി എത്തിച്ച ആന വിരണ്ടോടിയത് നാട്ടുകാരിൽ കടുത്ത പരിഭ്രാന്തി സൃഷ്ടിച്ചു. ഇന്ന് രാത്രി 11 മണിയോടെയാണ് അപ്രതീക്ഷിതമായി ആന വിരണ്ടോടിയത്. കണ്ണാടിപ്പറമ്പിൽ നിന്നും പാഞ്ഞ ആന സ്റ്റെപ്പ് റോഡ് വഴിയാണ് മുന്നോട്ട് പോയത്.

നിലവിൽ നാറാത്ത് ആലങ്കീൽ ഭാഗത്തുള്ള ആനയെ തളയ്ക്കാനുള്ള തീവ്രശ്രമത്തിലാണ് പാപ്പാൻമാരും നാട്ടുകാരും പോലീസും. സുരക്ഷാ മുൻകരുതലിന്റെ ഭാഗമായി ഇതുവഴിയുള്ള വാഹന ഗതാഗതം പൂർണ്ണമായി നിരോധിച്ചിരിക്കുകയാണ്. രാത്രി വൈകിയും ആനയെ നിയന്ത്രണത്തിലാക്കാനുള്ള ശ്രമങ്ങൾ തുടരുകയാണ്. പ്രദേശവാസികൾ അതീവ ജാഗ്രത പാലിക്കണമെന്ന് മുന്നറിയിപ്പുണ്ട്. കൂടുതൽ വിവരങ്ങൾ ലഭ്യമായിവരുന്നതേയുള്ളൂ.

സമയം: 11:55 pm