ധർമ്മശാല : ലഹരിക്കെതിരെ കായിക ലഹരി കേരള എക്സൈസ് സ്റ്റാഫ് അസോസിയേഷന്റെ നേതൃത്വത്തിൽ കണ്ണൂർ യൂണിവേഴ്സിറ്റി മാങ്ങാട്ടുപറമ്പ് ക്യാമ്പസിൽ ഗ്രൗണ്ടിൽ വെച്ച് നടന്ന എക്സൈസ് ക്രിക്കറ്റ് പ്രീമിയർ ലീഗ് ഡോക്ടർ ബാബുപണ്ണേരി ഉദ്ഘാടനം ചെയ്തു. അസോസിയേഷൻ ജില്ലാ പ്രസിഡണ്ട് കെ. രാജേഷ് അധ്യക്ഷനായി. അസോസിയേഷൻ ജനറൽ സെക്രട്ടറി കെ സന്തോഷ് കുമാർ, ഫിസിക്കൽ എഡ്യൂക്കേഷൻ കണ്ണൂർ യൂണിവേഴ്സിറ്റി ഡയറക്ടർ ഡോ.എ പ്രവീൺ, കണ്ണൂർ ഗവൺമെന്റ് എഞ്ചിനീയറിങ് കോളേജ് ഫിസിക്കൽ എജുക്കേഷൻ എച്ച്.ഒ.ഡി. ഡോക്ടർ ഷെനീൽ ജെയിംസ്, എക്സൈസ് ഓഫീസ് അസോസിയേഷൻ ജില്ലാ സെക്രട്ടറി എബി തോമസ് സർക്കിൾ ഇൻസ്പെക്ടർ മാരായ രജിത്ത്, സതീഷ് എന്നിവർ ആശംസകൾ നേർന്ന് സംസാരിച്ചു എക്സൈസ് സ്റ്റാഫ് അസോസിയേഷൻ ജില്ല സെക്രട്ടറി പ്രനിൽ കുമാർ സ്വാഗതവും അഷ്റഫ് മലപ്പട്ടം നന്ദിയും പറഞ്ഞു. ഫൈനൽ മത്സരം കെ ശരത് നയിച്ച എക്സൈസ് ടൈഗേഴ്സ് , റെനിൽകൃഷ്ണൻ നയിച്ച സൂപ്പർ കിങ്സിനെ 80 റൺസിന് പരാജയപ്പെടുത്തി. 63 റൺസ് എടുത്ത് ശരത് ഫൈനലിലെ മെന് ഓഫ് ദി മാച്ച് ആയും ടൂർണമെന്റിലെ മികച്ച കളിക്കാരനായി ശ്രീകുമാർ വിപിഎയും തിരഞ്ഞെടുത്തു അസിസ്റ്റന്റ് എക്സൈസ് കമ്മീഷണറും വിമുക്തി മാനേജരുമായ അരുൺ ദാമോദർ വിജയിക്കുള്ള സമ്മാനദാനം നടത്തി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.