കണ്ണൂർ: ‘അനീതിയുടെ കാലത്തിന് യുവതയുടെ തിരുത്ത്’ എന്ന പ്രമേയത്തിൽ മുസ്ലിം യൂത്ത് ലീഗ് കണ്ണൂർ ജില്ലാ സമ്മേളനം ഫെബ്രുവരി 11 മുതൽ 15 വരെ വിവിധ പരിപാടികളോടെ നടക്കും. കണ്ണൂർ നഗരത്തെ ഹരിതാഭമാക്കുന്ന സമ്മേളനത്തിന്റെ ഒരുക്കങ്ങൾ പൂർത്തിയായതായി സംഘാടകർ വാർത്താ സമ്മേളനത്തിൽ അറിയിച്ചു.
പ്രധാന പരിപാടികൾ:
• ഫെബ്രുവരി 11: രാവിലെ 9:30-ന് ജില്ലാ പ്രസിഡന്റ് നസീർ നല്ലൂർ പതാക ഉയർത്തുന്നതോടെ സമ്മേളനത്തിന് തുടക്കമാകും. 10 മണിക്ക് സൗത്ത് ബസാറിലെ ബിനാലെ ഹോട്ടലിൽ വെച്ച് ‘സ്മൃതി സംഗമം’ നടക്കും. മുസ്ലിം ലീഗ് സംസ്ഥാന വൈസ് പ്രസിഡന്റ് അബ്ദുറഹ്മാൻ കല്ലായി ഉദ്ഘാടനം ചെയ്യും. മുൻ ജില്ലാ നേതാക്കളെ ചടങ്ങിൽ ആദരിക്കും.
• ഫെബ്രുവരി 13: വൈകുന്നേരം 3 മണിക്ക് ചരിത്രപ്രസിദ്ധമായ യുവജന റാലിയും പൊതുസമ്മേളനവും നടക്കും. സെന്റ് മൈക്കിൾസ് സ്കൂൾ പരിസരത്ത് നിന്ന് ആരംഭിക്കുന്ന റാലി സ്റ്റേഡിയം കോർണറിൽ സമാപിക്കും. തുടർന്ന് നടക്കുന്ന പൊതുസമ്മേളനം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. പി.കെ. കുഞ്ഞാലിക്കുട്ടി, പി.കെ. ഫിറോസ്, കെ.എം. ഷാജി തുടങ്ങിയ പ്രമുഖ നേതാക്കൾ പങ്കെടുക്കും.
• ഫെബ്രുവരി 14: വൈകുന്നേരം 3 മണിക്ക് കാട്ടാമ്പള്ളി കൈരളി ഹെറിറ്റേജിൽ ജില്ലാ കമ്മിറ്റി അംഗങ്ങളുടെ കുടുംബ സംഗമം നടക്കും.
• ഫെബ്രുവരി 15: വൈകുന്നേരം 4 മണിക്ക് ബാഫാഖി സൗധത്തിൽ വെച്ച് ജില്ലാ കൗൺസിൽ ചേരും. 2026-2028 വർഷത്തേക്കുള്ള പുതിയ ഭാരവാഹികളെ തിരഞ്ഞെടുക്കുന്നതോടെ സമ്മേളനത്തിന് സമാപനമാകും.
വാർത്താ സമ്മേളനത്തിൽ അഡ്വ. അബ്ദുൽ കരീം ചെലേരി, നസീർ നല്ലൂർ, പി.സി. നസീർ, അൽത്താഫ് മാങ്ങാടൻ എന്നിവർ പങ്കെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.