കണ്ണാടിപ്പറമ്പ്: നാടിന്റെ ഭാവി തകർക്കുന്ന ലഹരി വിപത്തിനെതിരെ ശക്തമായ ജനകീയ പ്രതിരോധവുമായി കണ്ണാടിപ്പറമ്പ് – മാലോട്ട് സൗഹൃദ കൂട്ടായ്മ രംഗത്ത്. ‘നാടിനായ്… നമുക്കായ് കൈകോർക്കാം’ എന്ന മുദ്രാവാക്യവുമായി ലഹരി വിരുദ്ധ ബോധവൽക്കരണ ക്ലാസും ഇശൽ വിരുന്നും ഫെബ്രുവരി 10 ചൊവ്വാഴ്ച രാത്രി 7 മണിക്ക് മാലോട്ട് എ.എൽ.പി സ്കൂൾ ഗ്രൗണ്ടിൽ സംഘടിപ്പിക്കും.
മയ്യിൽ ഇൻസ്പെക്ടർ ഓഫ് പോലീസ് സുഭാഷ് ബാബു പരിപാടി ഉദ്ഘാടനം ചെയ്യും. കബീർ കണ്ണാടിപ്പറമ്പ് അധ്യക്ഷത വഹിക്കുന്ന ചടങ്ങിൽ ശംസുദ്ധീൻ സ്വാഗതമാശംസിക്കും. കണ്ണൂർ വിമുക്തി മിഷൻ എക്സൈസ് പ്രിവന്റീവ് ഓഫീസർ സമീർ ധർമ്മടം ബോധവൽക്കരണ ക്ലാസ് നയിക്കും. ലൈഫ് സ്കിൽ ട്രെയിനർ മുസവ്വിർ പാനൂർ മുഖ്യപ്രഭാഷണം നടത്തും.
പ്രമുഖ അതിഥികൾ:
പരിപാടിയിൽ സാമൂഹിക-സാംസ്കാരിക രംഗത്തെ നിരവധിയാളുകൾ അതിഥികളായി എത്തും. ഡോ. സിറാജ് (ആഫിയ ഹോസ്പിറ്റൽ), ഡോ. പി.കെ. അബ്ദുൽ സലാം (ഹസനാത്ത് മെഡിക്കൽ സെന്റർ), ഒ.വി. പ്രസന്ന (പ്രിൻസിപ്പാൾ, ജി.എച്ച്.എസ്.എസ് കണ്ണാടിപ്പറമ്പ്), ബിന്ദു പി. (ഹെഡ്മിസ്ട്രസ്, മാലോട്ട് എ.എൽ.പി സ്കൂൾ), നാറാത്ത് പഞ്ചായത്ത് വൈസ് പ്രസിഡന്റ് സുധീഷ്, പഞ്ചായത്ത് മെമ്പർ എം.പി. മുഹമ്മദ്, കൊളച്ചേരി പഞ്ചായത്ത് മെമ്പർമാരായ നിഷ, ഗീത എന്നിവർ പങ്കെടുക്കും.
കൂടാതെ കെ.എം. മുഫീദ് മാസ്റ്റർ, പി.വി. അബ്ദുള്ള മാസ്റ്റർ, സാബിർ (എഞ്ചിനീയർ), പി.വി. ബാലകൃഷ്ണൻ, ബഷീർ കണ്ണാടിപ്പറമ്പ്, ഒ.പി. മുസാൻ ഹാജി, ടി.പി. അമീൻ, അൽഷി (കേരള ചിക്കൻ), ശശി കുമാർ എം.പി, നൗഷാദ് (ഹസനാത്ത് മെഡിക്കൽ സെന്റർ), ശിവദാസൻ എ.വി, ഷാനവാസ്, സന്ദീപ് സി.കെ, ശൗക്കത്ത് കൊട്ടിച്ചാൽ, ഹബീബ് കെ.എൻ, ഷഫീഖ്, നബീൽ, അഹമ്മദ് അലി, റസാഖ് എന്നിവരും സന്നിഹിതരാകും.
ഇശൽ വിരുന്ന്:
ബോധവൽക്കരണ പരിപാടിക്ക് ശേഷം ആബിദ് കണ്ണൂർ, കണ്ണൂർ സീനത്ത്, ഉനൈസ് മാട്ടൂൽ ടീം അവതരിപ്പിക്കുന്ന ഹൃദ്യമായ സംഗീത വിരുന്ന് (ഇശൽ വിരുന്ന്) അരങ്ങേറും. ഹാരിസ് മനോരമ നന്ദി രേഖപ്പെടുത്തും. ലഹരിക്കെതിരെയുള്ള ഈ മഹാസംഗമത്തിൽ മുഴുവൻ നാട്ടുകാരും പങ്കുചേരണമെന്ന് മാലോട്ട് സൗഹൃദ കൂട്ടായ്മ അഭ്യർത്ഥിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.