“ആരോഗ്യ സംരക്ഷണത്തിന് കരുതലിന്റെ സ്പർശം! 🩺 ദാറുൽ ഹസനാത്ത് വാർഷിക പ്രഭാഷണത്തോടനുബന്ധിച്ച് സംഘടിപ്പിച്ച സൗജന്യ സ്ത്രീരോഗ നിർണ്ണയ ക്യാമ്പ് ശ്രദ്ധേയമായി.

നാറാത്ത്: ദാറുൽ ഹസനാത്ത് വാർഷിക പ്രഭാഷണത്തോടനുബന്ധിച്ച് ഹസനാത്ത് മെഡിക്കൽ സെന്ററിന്റെ ആഭിമുഖ്യത്തിൽ സംഘടിപ്പിച്ച സൗജന്യ സ്ത്രീരോഗ നിർണ്ണയ ക്യാമ്പ് ജനപങ്കാളിത്തം കൊണ്ട് ശ്രദ്ധേയമായി. ജനുവരി 13 ചൊവ്വാഴ്ച ഹസനാത്ത് വനിതാ യത്തീംഖാനയിൽ വെച്ചാണ് ക്യാമ്പ് നടന്നത്.

ഡോക്ടർ ധന്യാ വി. ക്യാമ്പ് ഉദ്ഘാടനം ചെയ്തു. ഹസനാത്ത് ജനറൽ സെക്രട്ടറി കെ.എൻ. മുസ്തഫ അധ്യക്ഷത വഹിച്ച ചടങ്ങിൽ എ.ടി. മുസ്തഫ ഹാജി, ശൗക്കത്ത് മാതോടം, ശംസുദ്ദീൻ, നൗഷാദ്, ഡോ. താജുദീൻ വാഫി, കെ. മുഹമ്മദ്, ആബിദ ടീച്ചർ, റുബീന ടീച്ചർ, രഹനാസ് ടീച്ചർ എന്നിവർ സംബന്ധിച്ചു.

മുൻകൂട്ടി രജിസ്റ്റർ ചെയ്ത അൻപതോളം പേർ ക്യാമ്പിൽ പങ്കെടുത്തു വിദഗ്ദ്ധ പരിശോധനകൾക്കും ഉപദേശങ്ങൾക്കും വിധേയരായി. പി.വി. അബ്ദു സ്വാഗതവും കെ.പി. അബൂബക്കർ ഹാജി നന്ദിയും പറഞ്ഞു. ആരോഗ്യരംഗത്ത് ദാറുൽ ഹസനാത്ത് നടത്തുന്ന ജീവകാരുണ്യ പ്രവർത്തനങ്ങളുടെ ഭാഗമായാണ് ഈ ക്യാമ്പ് സംഘടിപ്പിച്ചത്.