കണ്ണൂർ: ഉത്തരമലബാറിലെ പ്രശസ്തമായ വള്ളുവൻകടവ് ശ്രീ മുത്തപ്പൻ മടപ്പുര തിരുവപ്പന മഹോത്സവത്തിന് തുടക്കമായി. ശബരിമല മുൻ മേൽശാന്തി കൊട്ടാരം ജയരാമൻ നമ്പൂതിരി ഉത്സവത്തിന്റെ ഉദ്ഘാടനം നിർവ്വഹിച്ചു. ജനുവരി 7 വരെ നീണ്ടുനിൽക്കുന്ന വിപുലമായ ആഘോഷ പരിപാടികളാണ് ക്ഷേത്രത്തിൽ ഒരുക്കിയിരിക്കുന്നത്.
ആഘോഷ പരിപാടികൾ ചുരുക്കത്തിൽ:
• ജനുവരി 1 (ഇന്ന്): രാത്രി 7 മണിക്ക് മൂന്ന് ജില്ലകളിലെ ടീമുകൾ പങ്കെടുക്കുന്ന ഉത്തരകേരള കൈകൊട്ടിക്കളി മത്സരം.
• ജനുവരി 2 (വെള്ളി): രാത്രി 7 മണിക്ക് വിവിധ കലാപരിപാടികൾ.
• ജനുവരി 3 (ശനി): രാത്രി 7 മണിക്ക് നൃത്തസംഗീത നാടകം.
• ജനുവരി 4 (ഞായർ): രാവിലെ 10 മണിക്ക് സൗജന്യ മെഡിക്കൽ ക്യാമ്പ്, വൈകുന്നേരം സർപ്പബലി.
• ജനുവരി 5 (തിങ്കൾ): രാത്രി 7 മണിക്ക് നൃത്തസന്ധ്യ.
• ജനുവരി 6 (ചൊവ്വാ): വൈകുന്നേരം മുത്തപ്പൻ വെള്ളാട്ടം, ഗുളികൻ വെള്ളാട്ടം, കാഴ്ചവരവ്. രാത്രി 8-ന് ഗാനമേള, 10-ന് മീനമൃത് എഴുന്നള്ളത്ത്.
• ജനുവരി 7 (ബുധൻ): പുലർച്ചെ 4-ന് ഗുളികൻ തിറ, 5-ന് തിരുവപ്പന വെള്ളാട്ടം, 8-ന് എടലാപുരത്ത് ചാമുണ്ഡിയുടെ തിറ. ഉച്ചയോടെ കൊടിയിറക്കൽ.
ഉത്സവ ദിനങ്ങളിലെല്ലാം പതിവ് മുത്തപ്പൻ വെള്ളാട്ടം ഉണ്ടായിരിക്കുമെന്ന് മടപ്പുര ഭാരവാഹികൾ അറിയിച്ചു. ആയിരക്കണക്കിന് ഭക്തർ പങ്കെടുക്കുന്ന ഉത്സവത്തിന്റെ സുഗമമായ നടത്തിപ്പിനായി എല്ലാ സൗകര്യങ്ങളും പൂർത്തിയായിട്ടുണ്ട്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.