🏍️ സ്വപ്‌നയാത്രയ്ക്ക് തീവ്രത കൂട്ടി; പുല്ലൂപ്പിയിൽനിന്ന് കശ്മീരിലേക്ക് ബൈക്ക് യാത്ര തുടങ്ങി.

kannadiparamba online ✍️

പുല്ലൂപ്പി: ആഡംബര യാത്രകൾ മാറ്റി വെച്ച്, സ്വപ്നം യാഥാർത്ഥ്യമാക്കാനായി പുല്ലൂപ്പിയിലെ ’39 ക്ലബ്ബി’ന്റെ ഭാഗമായ രണ്ട് സുഹൃത്തുക്കൾ ബൈക്കിൽ കശ്മീരിലേക്ക് യാത്ര തിരിച്ചു. ക്ലബ്ബിലെ അംഗങ്ങളായ ആരിഫ് സി.ഒ., അനസ് കെ.പി. എന്നിവരാണ് ഈ സാഹസിക യാത്രയ്ക്ക് തുടക്കമിട്ടത്.

വേറിട്ട വഴികളിലൂടെയുള്ള സാഹസിക സഞ്ചാരം ഇഷ്ടപ്പെടുന്ന ഇരുവരും തങ്ങളുടെ ബൈക്കിൽ, കർണാടക, മഹാരാഷ്ട്ര, ഗുജറാത്ത്, രാജസ്ഥാൻ, ഡൽഹി, പഞ്ചാബ് എന്നീ സംസ്ഥാനങ്ങളിലൂടെയാണ് കശ്മീരിലേക്ക് സഞ്ചരിക്കുന്നത്.

“യാത്രകൾ ആത്മാന്വേഷണത്തിന്റെ അഗ്നിയാണ്. അറിയാനുള്ള തിടുക്കം മനസ്സിൽ ചുരമാന്തിത്തുടങ്ങിയാൽ പിന്നെ നാം മുസാഫിറാകും,” എന്നാണ് ഈ സാഹസിക സുഹൃത്തുക്കൾ തങ്ങളുടെ യാത്രാനുഭവം പങ്കുവെച്ചത്.

സുരക്ഷിതമായി യാത്ര പൂർത്തിയാക്കി തിരിച്ചെത്താൻ ’39 ക്ലബ്ബും’ നാടും പ്രാർത്ഥനാനിർഭര മനസ്സോടെ യാത്രാമംഗളങ്ങൾ നേർന്നു.