അഹമ്മദ് പാറക്കലിന്റെ മയ്യത്ത് നിസ്കാരം നാളെ

കാഞ്ഞിരോട്: കഴിഞ്ഞ ദിവസം തുർക്കിയിൽ നിര്യാതനായ പൗരപ്രമുഖനും ജീവകാരുണ്യ പ്രവർത്തകനുമായ അഹമ്മദ് പാറക്കലിന്റെ മൃതദേഹം നാളെ നാട്ടിലെത്തിക്കും.

മയ്യത്ത് നിസ്കാരവും പൊതുദർശനവും നാളെ രാവിലെ 7.30ന് കാഞ്ഞിരോട് കെ.എം.ജെ സ്കൂൾ ഗ്രൗണ്ടിൽ നടക്കും. പൊതുദർശനത്തിന് വളരെ ചുരുങ്ങിയ സമയമത്രേ അനുവദിച്ചിട്ടുള്ളത്.

വീട്ടിലോ പുറവൂർ പള്ളിയിലോ മയ്യത്ത് കാണുന്നതിനുള്ള പ്രത്യേക സൗകര്യം ഉണ്ടായിരിക്കുന്നതല്ല. കെ.എം.ജെ സ്കൂളിൽ അംഗശുദ്ധിക്കുള്ള (വുളു) സൗകര്യം പരിമിതമായതിനാൽ, അംഗശുദ്ധിയോടെ വരണമെന്ന് മകൻ ഡോ. ഷബീർ അഭ്യർത്ഥിച്ചു.