തൊഴിലുറപ്പ് ജീവനക്കാർക്ക് തൊഴിൽ നൽകാത്തതിൽ കോൺഗ്രസ്സ് പ്രതിഷേധിച്ചു – നാറാത്ത് പഞ്ചായത്തിന്റെ അനാസ്ഥയ്‌ക്കെതിരെ ആക്ഷേപം

കണ്ണാടിപ്പറമ്പ്: നാറാത്ത് പഞ്ചായത്തിൽ തൊഴിൽ ഉറപ്പ് പദ്ധതിയിൽപ്പെട്ട ജീവനക്കാർക്ക് മാസങ്ങളായി തൊഴിൽ നൽകാത്തതിനെതിരെ ഇന്ത്യൻ നാഷണൽ കോൺഗ്രസ്സ് പ്രതിഷേധിച്ചു,ഇക്കാര്യത്തിൽ തൊഴിലുറപ്പു ജീവനക്കാരെ അണിനിരത്തി പഞ്ചായത്ത് ഉപരോധിക്കുമെന്നും ഇന്ത്യൻ നാഷണൽ കോൺഗ്രസ്സ് മുന്നറിയിപ്പ് നൽകി .

മറ്റു പഞ്ചായത്തുകൾ കേന്ദ്ര നിയമം അനുസരിച്ച് കൃത്യമായി തൊഴിൽ നൽകുമ്പോൾ നാറാത്ത് പഞ്ചായത്തിന്റെ അനാസ്ഥമൂലം തൊഴിലുറപ്പുകാർക്കു തൊഴിലുദിനങ്ങൾ നഷ്ടപ്പെടുന്നുവെന്ന് കണ്ണാടിപ്പറമ്പ് മണ്ഡലം കോൺഗ്രസ്സ് കമ്മിറ്റി ആരോപിച്ചു.

പഞ്ചായത്ത് പ്രസിഡന്റ് പത്തു ലക്ഷത്തോളം രൂപ ചെലവഴിച്ച് കണ്ണാടിപ്പറമ്പ് അമ്പലമൈതാനിയിൽ നടത്തുന്ന മാമാങ്കം സാധാരണക്കാരുടെ നികുതിപ്പണം കൊണ്ടാണെന്നും സ്വന്തം അഴിമതിയെ മറയ്ക്കാനാണെന്നും വിവേകമുള്ള LDF പ്രവർത്തകർ ഇക്കാര്യത്തിൽ പ്രതികരിക്കണമെന്നും കോൺഗ്രസ്സ് അഭ്യര്ഥിച്ചു.