മയ്യില്: പൂര്ണമായും കാഴ്ച പരിമിതിയുണ്ടായിട്ടും വിവിധ ജോലികള് ചെയ്ത് വിവിധ പ്രദേശമുള്ളവര്ക്ക് സുപരിചതനായ കുഞ്ഞമ്പുവേട്ടന് ഓര്മയായി. മയ്യില്- പുതിയതെരു ബസ് റൂട്ടിലെ എല്ലാ ബസ് ജീവനക്കാര്ക്കും സുപരിചിതനായിരുന്നു. എല്ലാ ബസ് സ്റ്റോപ്പുകളും കൃത്യമായി മനസ്സിലാക്കി യാത്ര ചെയ്യുന്നതും വ്യക്തിഗതമായി എല്ലാ യാത്രക്കാരോടും സൗഹൃദം പങ്കിടുന്ന പ്രകൃതവുമായിരുന്നു.ഒരു കാലത്ത് കണ്ടക്കൈ റാഡ് കവല മുതല് കൊളച്ചേരി മുക്ക് വരെ വെള്ളവടിയുടെ സഹായത്താല് നടന്ന് ലോട്ടറി വില്പ്പന ചെയ്യുന്നത് പതിവായിരുന്നു. തെയ്യം, തിറകള് എന്നിവിടങ്ങളിലെ സ്ഥിര സാന്നിധ്യമായിരുന്നു. വെള്ളവടിയുമായി ആറാംമൈല് ബസ് സ്റ്റോപ്പിലെ എന്നു പുഞ്ചിരിക്കുന്ന മുഖവുമായുള്ള കുഞ്ഞമ്പുവേട്ടനെ അവസാനമായി കാണാനും നിരവധി പേരാണ് ഇട്ടമ്മല് വീട്ടിലെത്തിയത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.