ക്ഷേത്ര ഭണ്ഡാരം കവർന്നമോഷ്ടാവ് പിടിയിൽ

തളിപ്പറമ്പ്. ക്ഷേത്ര ഭണ്ഡാരം കുത്തി തുറന്ന് പണം കവർന്ന് രക്ഷപ്പെടുന്നതിനിടെ മോഷ്ടാവിനെ നാട്ടുകാർ പിടികൂടി പോലീസിന് കൈമാറി. പരിയാരം ഐ ടി സി കോളനിയിലെ ജോഷി ജോസഫിനെ (36) യാണ് പിടികൂടിയത്. ഇന്ന് പുലർച്ചെ തളിപ്പറമ്പ് റേഞ്ച് ഫോറസ്റ്റ് ഓഫീസിന് സമീപം പുളിമ്പറമ്പ് ശ്രീമുത്തപ്പൻ ക്ഷേത്ര ഭണ്ഡാരം കുത്തി തുറന്ന് പണം കവർന്ന മോഷ്ടാവ് ഇരുളിൽ രക്ഷപ്പെടാൻ ശ്രമിക്കുന്നതിനിടെയാണ് വനം വകുപ്പ് ജീവനക്കാരുടെയുംനാട്ടുകാരുടെയും ശ്രദ്ധയിൽപ്പെട്ടത്. തുടർന്ന് മോഷ്ടാവിനെ പിന്തുടർന്ന് പിടികൂടുകയായിരുന്നു. വിവരമറിഞ്ഞ് സ്ഥലത്തെത്തിയ ക്ഷേത്രം ഭാരവാഹി പോലീസിൽ പരാതി നൽകി. കേസെടുത്ത പോലീസ് പ്രതിയെ അറസ്റ്റു ചെയ്തു.