പറശ്ശിനിക്കടവിൽ ഉത്സവനാളുകൾറോഡ് നിറയെ കുഴികൾ;നാട്ടുകാർ വാഴനട്ട് പ്രതിഷേധിച്ചു.

പറശ്ശിനിക്കടവ്: ആയിരക്കണക്കിന് തീർഥാടകർ ദിവസേന ഒഴുകിയെത്തുന്ന പറശ്ശിനിക്കടവ് മുത്തപ്പൻ മടപ്പുരയിലേക്കുള്ള പ്രധാന റോഡുകൾ തകർന്നുകിടക്കുന്നതിനെതിരെ നാട്ടുകാർ പ്രതിഷേധവുമായി രംഗത്തെത്തി.

തീർഥാടന സീസണിന് നടുവിലും റോഡുകൾ കുഴികളും ചാലുകളും നിറഞ്ഞ് അപകടാവസ്ഥയിലായിട്ടും അറ്റകുറ്റപ്പണി നടത്താത്തതിനെതിരെ ആക്ഷേപം ഉയരുകയാണ്. വിവിധ ഭാഗങ്ങളിൽ യാത്ര കഷ്ടസാധ്യമാകുന്ന സാഹചര്യം തീർഥാടകരെയും വാഹനയാത്രികരെയും വലയിക്കുന്നു.

റോഡുകളുടെ ഗുരുതരമായ അവസ്ഥയെ ചൂണ്ടിക്കാട്ടി ഒരുസംഘമാളുകൾ റോഡിൽ വാഴനട്ട് ഉത്സവത്തിരക്കിനിടയിൽതന്നെ പ്രതിഷേധം അറിയിച്ചത്

പറശ്ശിനിക്കടവ് മേഖലയിലെ പ്രധാന തീർഥാടനമാർഗങ്ങൾ ഇങ്ങനെയൊരു അവസ്ഥയിൽ തുടരുന്നത് അധികൃതരുടെ അനാസ്ഥയെന്നാരോപണം ഉയരുന്നുണ്ട്.