പരിയാരം : അമിതഗുളിക കഴിച്ച് ജീവനൊടുക്കാൻ ശ്രമിച്ചതിനെ തുടർന്ന് പരിയാരത്തെ കണ്ണൂർ ഗവ. മെഡിക്കൽ കോളേജിൽ പ്രവേശിപ്പിച്ച യുവതി മെഡിക്കൽ കോളേജിലെ ശുചിമുറിയിലെ ഷവറിൽ തൂങ്ങിമരിച്ചു. കൂത്തുപറമ്പ് കോട്ടയം പൊയിൽ ഏഴാം മൈലിലെ ഇ.കെ. ലീന (46) യാണ് ജീവനൊടുക്കിയത്. ഭർത്താവ്: സന്തോഷ്. നാരായണൻ – ലീല ദമ്പതികളുടെ മകളാണ്. മകൻ യദുനന്ദ് (ബാംഗ്ലൂർ). ഒരു സഹോദരിയുണ്ട് .
ഇന്ന് രാവിലെ 9.15 മണിയോടെയാണ് സംഭവം. ശുചിമുറി തുറക്കാത്തതിനെ തുടർന്ന് കൂട്ടിരിപ്പുകാർ ആശുപത്രി സെക്യുരിറ്റി ജീവനക്കാരെ വിവരമറിയിക്കുകയായിരുന്നു. തുടർന്ന് യുവതിയെ രക്ഷിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിലേക്ക് മാറ്റി. ഇന്നലെയായിരുന്നു യുവതിയെ അമിതഗുളിക കഴിച്ച നിലയിൽ ആശുപത്രിയിൽ പ്രവേശിപ്പിച്ചത്. പരിയാരം പോലീസ് മൃതദേഹം ഇൻക്വസ്റ്റ് നടത്തി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.