കെ.വി. സുമേഷ് എം.എൽ.എയുടെ ആസ്തി വികസന ഫണ്ടിൽ നിന്ന് 79 ലക്ഷം രൂപ ചെലവിൽ നിർമ്മിക്കുന്ന അഴിക്കൽ ബോട്ട് ജെട്ടിയുടെ നിർമ്മാണ പ്രവർത്തനം ആരംഭിച്ചു. ഉദ്ഘാടനം കെ.വി. സുമേഷ് എം.എൽ.എ നിർവഹിച്ചു.
നാട്ടിൻ്റെ വികസനത്തിന് കൂട്ടായ പ്രവർത്തനം ആവശ്യമാണെന്നും ജെട്ടി സമയബന്ധിതമായി പൂർത്തിയാക്കുമെന്നും എം.എൽ.എ പറഞ്ഞു.
അഴീക്കൽ ബോട്ട് കടവിൽ നടന്ന പരിപാടിയിൽ അഴീക്കോട് ഗ്രാമപഞ്ചായത്ത് പ്രസിഡൻറ് കെ. അജീഷ് അദ്ധ്യക്ഷനായി. ജെട്ടിയിലേക്കുള്ള പ്രവേശനപാതയുടെ ഇടത് വശത്ത് 12 മീറ്റർ നീളവും 4 മീറ്റർ വീതിയുമുള്ള ഭാഗം ബോട്ടുകൾക്ക് എളുപ്പത്തിൽ അടുപ്പിക്കാനാകുന്ന രീതിയിൽ നിർമ്മിക്കും. നിർമാണം കെ. വിജേഷ് എന്ന കരാറുകാരനായ കരാറുകാരനാണ് ഏറ്റെടുത്തിരിക്കുന്നത്. ഇൻലാൻ്റ് നാവിഗേഷൻ ജില്ലാ എക്സിക്യുട്ടീവ് എഞ്ചിനിയർ എൽ ആഷാബിഗം റിപ്പോർട്ട് അവതരിപ്പിച്ചു.
പരിപാടിയിൽ കണ്ണൂർ ബ്ലോക്ക് പഞ്ചായത്ത് പ്രസിഡൻറ് കെ.സി. ജിഷ, ഗ്രാമപഞ്ചായത്ത് വികസന സ്റ്റാൻഡിങ്ങ് കമ്മിറ്റി ചെയർമാൻ കെ. ഗിരീഷ് കുമാർ, വാർഡ് അംഗങ്ങളായ ടി.കെ. ഷബീന, കെ. മോഹിനി, സി.വി. വിജയശ്രീ, കെ. സത്യശീലൻ, ഇൻലാൻഡ് നാവിഗേഷൻ എ.എക്സ്.ഇ. പുഷ്പലത എന്നിവർ പങ്കെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.