ട്രെയിൻ തട്ടി യുവാവ് മരിച്ചു

പഴയങ്ങാടി : റെയിൽവെ അടിപ്പാലത്തിന് സമീപം ഇതര സംസ്ഥാന തൊഴിലാളി ട്രെയിൻ തട്ടി മരിച്ചു. ഉത്തർപ്രദേശ് മധുരൈ സ്വദേശി യോഗേഷ് കുമാർ (33) ആണ് മരിച്ചത്. ഇന്നലെ രാത്രി 8 മണിയോടെയാണ് സംഭവം. ആളെ തിരിച്ചറിയാത്ത സാഹചര്യത്തിൽ പോലീസ് നടത്തിയ അന്വേഷണത്തിലാണ് യുവാവിനെ തിരിച്ചറിഞ്ഞത്. യുവാവ്
പഴയങ്ങാടി ഭാഗത്ത് മാർബിൾ ജോലി ചെയ്തു വരികയാണ്. വിവരമറിഞ്ഞ് ബന്ധുക്കൾ സ്ഥലത്തെത്തിയിട്ടുണ്ട്. പഴയങ്ങാടി പോലീസ് മൃതദേഹം ഇൻക്വസ്റ്റ് നടത്തി.