🐕 ശ്രീകണ്ഠപുരത്ത് തെരുവ് നായയുടെ ആക്രമണം – 11 പേർക്ക് പരിക്ക്

ശ്രീകണ്ഠപുരം: നഗരസഭയിലെ പഴയങ്ങാടി, കൂട്ടുംമുഖം, എള്ളരിഞ്ഞി ഭാഗങ്ങളിൽ തെരുവ് നായയുടെ ആക്രമണം — പതിനൊന്ന് പേർക്ക് കടിയേറ്റു.

തിങ്കളാഴ്ച രാത്രി ഏഴോടെയാണ് സംഭവം നടന്നത്. ശ്രീകണ്ഠപുരം ഭാഗത്ത് നിന്ന് വന്ന നായ കാണുന്നവരെ നിരന്തരം കടിക്കുകയായിരുന്നു.

പഴയങ്ങാടിയിൽ 10 വയസ്സുകാരനാണ് ആദ്യം കടിയേറ്റത്. തുടർന്ന് നായ കൂട്ടുംമുഖം, എള്ളരഞ്ഞി, നെടുങ്ങോം ഭാഗങ്ങളിലേക്കും ഓടിയതോടെ റോഡരികിൽ നിന്നിരുന്നവർക്കും വളർത്തുമൃഗങ്ങൾക്കും പരിക്കേറ്റു.

കടിയേറ്റവർ കൂട്ടുംമുഖം **സി.എച്ച്.സി.**യിൽ ചികിത്സ തേടി. സാരമായി പരുക്കേറ്റവരെ പ്രഥമശുശ്രൂഷ നൽകി പരിയാരം ഗവ. മെഡിക്കൽ കോളേജിലേക്ക് മാറ്റി.

നായയെ നാട്ടുകാർ പിന്തുടർന്നെങ്കിലും രാത്രി അമ്പത്താറ് ഭാഗത്ത് ചത്ത നിലയിൽ കണ്ടെത്തി.

കടിയേറ്റവർ:

ഇജാദുൽ (31), അയാൻ (10), സമീന മടമ്പം (34), ഇബ്രാഹിം പഴയങ്ങാടി (69), ജോസ് കൂട്ടുംമുഖം (70), സോളി കൂട്ടുംമുഖം (59), സോണി ശ്രീകണ്ഠപുരം (39), ഗണേശൻ നിടിയേങ്ങ (57), വി.ടി. സണ്ണി പൂവത്തുംമൂട്ടിൽ (55), ബിജോ (45), വിനോയ് മേലാടശ്ശേരി (40).