ക്ഷേത്ര ഭണ്ഡാരവും മതിലും പന്തലും ഇടിച്ച് തകർത്ത വാഹന ഡ്രൈവർക്കെതിരെ കേസ്.

തളിപ്പറമ്പ്.അശ്രദ്ധമായി വാഹനം കൈകാര്യം ചെയ്ത് ക്ഷേത്ര മതിലും ഭണ്ഡാരവും പന്തലും ഇടിച്ച് തകർത്ത ഗുഡ്സ് വാഹന ഡ്രൈവർക്കെതിരെ പരാതിയിൽ പോലീസ് കേസെടുത്തു.നാടുകാണി ശ്രീ ശിവക്ഷേത്ര സേവാ സമിതി പ്രസിഡണ്ട് കിഴക്കേത്തോപ്പിൽജി.മണി (68)യുടെ പരാതിയിലാണ് കെ.എൽ. 59.ഡബ്ല്യു .2055 നമ്പർ ഗുഡ്സ് വാഹനം ഓടിച്ച ഹമീദിനെതിരെ തളിപ്പറമ്പ് പോലീസ് കേസെടുത്തത്.ഇക്കഴിഞ്ഞ 8 ന് വെള്ളിയാഴ്ച പുലർച്ചെയായിരുന്നു സംഭവം. ക്ഷേത്രത്തിൻ്റെ മതിലും പന്തലിൻ്റെ ഇരുമ്പ് പൈപ്പുകളും ഭണ്ഡാരവും തകർത്തതിൽ 75,000 രൂപയുടെ നാശനഷ്ടം ഉണ്ടായതായും പരാതിയിൽ പറയുന്നു കേസെടുത്ത പോലീസ് അന്വേഷണം തുടങ്ങി.