ഫെയ്സ് ബുക്ക് ഫ്രണ്ട് വീട്ടമ്മയായ യുവതിയുടെ എട്ട്ലക്ഷം തട്ടിയെടുത്തു

തളിപ്പറമ്പ്: ഫെയ്സ് ബുക്കിലൂടെ പരിചയപ്പെട്ട് സൗഹൃദത്തിലായ വീട്ടമ്മയായ യുവതിയുടെ എട്ട് ലക്ഷം രൂപ തട്ടിയെടുത്ത് വഞ്ചിച്ച പത്തനംതിട്ട സ്വദേശിക്കെതിരെ തളിപ്പറമ്പ് പോലീസ് കേസെടുത്തു.ആന്തൂർ മൊറാഴ സ്വദേശിനിയായ 39കാരിയുടെ പരാതിയിലാണ് പത്തനംതിട്ട സ്വദേശിയായ ഹരിയുടെ പേരിൽ വഞ്ചനാകുറ്റത്തിന് പോലീസ് കേസെടുത്തത്. ഫെയ്സ് ബുക്ക് സുഹൃത്തായ പ്രതി
ഇക്കഴിഞ്ഞ മെയ് മാസം മുതൽ നവമ്പർ മാസം വരെയുള്ള കാലയളവിലാണ് സാധാരണക്കാരിയായ വീട്ടമ്മയുടെ ബേങ്ക് അക്കൗണ്ട് വഴിയും സ്വർണ്ണാഭരണങ്ങൾ പണയം വെച്ചും നേരിട്ടും പണം കൈക്കലാക്കിയത്.പിന്നീട് സൗഹൃദം വീട്ടുകാർ അറിഞ്ഞതോടെ പോലീസിൽ യുവതിപരാതി നൽകുകയുമായിരുന്നു