പാപ്പിനിശേരി: ബൈക്കില്‍ കടത്തുകയായിരുന്ന 3.150 കിലോഗ്രാം കഞ്ചാവുമായി യുവാവ് പിടിയിൽ
മാട്ടൂൽ
മടക്കര ഡിസ്‌പെന്‍സറിക്ക് സമീപം താമസിക്കുന്ന പി.പി.നവാസിനെയാണ് പാപ്പിനിശേരി റേഞ്ച് എക്‌സൈസ് ഇന്‍സ്‌പെക്ടര്‍ എബി തോമസിൻ്റെ നേതൃത്വത്തിൽ അറസ്റ്റു ചെയ്തത്. വാഹന പരിശോധനക്കിടെ
പാപ്പിനിശേരി ഗെയിറ്റിന് സമീപം വെച്ചാണ് കെ.എല്‍.13 വൈ-5312 പാഷന്‍പ്രോ ബൈക്കില്‍ കടത്തുകയായിരുന്ന കഞ്ചാവ് ശേഖരം പിടികൂടിയത്.
നിരവധി മയക്കുമരുന്ന് കേസില്‍ പ്രതിയായ ഇയാൾ കോടതിയില്‍ കേസ് നടന്നു കൊണ്ടിരിക്കുന്നതിനിടയിലാണ് വിണ്ടും കഞ്ചാവുമായി പിടിയിലായത്.
ആന്ധ്രയില്‍ പോയി മൊത്തമായി കഞ്ചാവ് വാങ്ങി പാപ്പിനിശ്ശേരി, മടക്കര, മാട്ടൂല്‍, പുതിയങ്ങാടി, പഴയങ്ങാടി ഭാഗങ്ങളിൽ വില്‍പ്പന നടത്തുന്നതാണ് ഇയാളുടെ രീതി. റെയ്ഡിൽ ഗ്രേഡ്
അസി.എക്‌സൈസ് ഇൻസ്പെക്ടർ സന്തോഷ് തുണോളി, പ്രിവന്റിവ് ഓഫിസര്‍ പി.എം.കെ.സജിത്ത്കുമാര്‍, ഗ്രേഡ്പ്രിവന്റീവ് ഓഫിസര്‍മാരായ വി.പി.ശ്രീകുമാര്‍, സി.പങ്കജാഷന്‍, പി.പി.രജിരാഗ്, സീനിയര്‍ ഡ്രൈവര്‍ കെ.ഇസ്മയില്‍ എന്നിവരും ഉണ്ടായിരു ന്നു. അറസ്റ്റിലായ പ്രതിയെ കോടതിയിൽ ഹാജരാക്കും