കണ്ണൂർ: ബി.ജെ.പിയുമായി ഇടതുമുന്നണി ഡീലുണ്ടാക്കിയെന്ന യു.ഡി.എഫിന്റെ പ്രചാരണം കേരളത്തിലെ ജനങ്ങൾ വിശ്വസിക്കില്ലെന്ന് സി.പി.ഐ.(എം) കേന്ദ്ര കമ്മിറ്റിയംഗം ഇ.പി. ജയരാജൻ. കണ്ണൂർ നിയോജക മണ്ഡലം എൽ.ഡി.എഫ് സ്ഥാനാർത്ഥി രാമചന്ദ്രൻ കടന്നപ്പള്ളിയുടെ പൊതു പര്യടനം കുന്നത്ത്ചാലിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ന്യൂനപക്ഷ വിഭാഗങ്ങളെ സംരക്ഷിക്കുന്നതിൽ മുൻപന്തിയിൽ നിൽക്കുന്നവരാണ് ഇടതുപക്ഷമെന്നും, ബി.ജെ.പി ബന്ധം ആരോപിച്ച് ന്യൂനപക്ഷങ്ങളെ അകറ്റാമെന്നത് യു.ഡി.എഫിന്റെ വ്യാമോഹം മാത്രമാണെന്നും അദ്ദേഹം പറഞ്ഞു. ഇടതുപക്ഷം ദുർബലപ്പെട്ടാൽ നാടാകെ ദുർബലപ്പെടുമെന്ന ബോധ്യം ജനങ്ങൾക്കുണ്ട്. വലിയ പരാജയഭീതിയിലാണ് യു.ഡി.എഫ് ഉള്ളത്. അതുകൊണ്ടാണ് അവർ ഇത്തരം കുപ്രചരണങ്ങൾ ഉന്നയിക്കുന്നതെന്നും അദ്ദേഹം കുറ്റപ്പെടുത്തി.
ഇതുകൊണ്ടൊന്നും എൽ.ഡി.എഫിന്റെ വിജയത്തിന് മങ്ങലേൽപ്പിക്കാനാവില്ലെന്ന് ഇ.പി. ജയരാജൻ വ്യക്തമാക്കി. സ്വന്തം പാർട്ടിയുടെ സ്ഥാനാർത്ഥിയെ തീരുമാനിക്കുന്നതിൽ പോലും തമ്മിലടിക്കുന്നവർക്ക് എങ്ങനെയാണ് ഭരണം കയ്യാളാൻ കഴിയുകയെന്ന് ജനങ്ങൾ ആലോചിക്കണമെന്നും അദ്ദേഹം യു.ഡി.എഫിനെ പരിഹസിച്ചു. ഉദ്ഘാടനത്തിന് ശേഷം സ്ഥാനാർത്ഥി രാമചന്ദ്രൻ കടന്നപ്പള്ളിക്ക് അദ്ദേഹം ഹസ്തദാനം നൽകി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.