കുറ്റ്യാട്ടൂർ: പ്രതിസന്ധി ഘട്ടങ്ങളിൽ നാടിന് കരുത്തേകാൻ കുറ്റ്യാട്ടൂർ ഗ്രാമപഞ്ചായത്തിന്റെ നേതൃത്വത്തിൽ വനിതാ ബ്രിഗേഡ് സജ്ജമാകുന്നു. പദ്ധതിയുടെ ഭാഗമായി വനിതാ ബ്രിഗേഡ് രൂപീകരണവും പരിശീലന പരിപാടിയും വില്ലേജ് മുക്ക് സലഫി ബി.എസ് കോളേജിൽ വെച്ച് നടന്നു. ഗ്രാമപഞ്ചായത്ത് പ്രസിഡൻ്റ് നിജിലേഷ് പറമ്പൻ പരിപാടി ഉദ്ഘാടനം ചെയ്തു.
ആരോഗ്യ-വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ എം.പി. പങ്കജാക്ഷൻ ചടങ്ങിൽ അധ്യക്ഷത വഹിച്ചു. പഞ്ചായത്ത് സെക്രട്ടറി പി.എം. ബിന്ദു ഏവർക്കും സ്വാഗതം പറഞ്ഞു. വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ ടി. രാജൻ, പഞ്ചായത്ത് മെമ്പർമാരായ എം.വി. രേവതി, ശൈലജ എം.പി, ഐ.സി.ഡി.എസ് (ICDS) സൂപ്പർവൈസർ പ്രഭാവതി പി.പി എന്നിവർ സംസാരിച്ചു. കമ്മ്യൂണിറ്റി വുമൺ ഫെസിലിറ്റേറ്റർ കെ. രമ്യ നന്ദി പറഞ്ഞു.
തുടർന്ന് നടന്ന പരിശീലന പരിപാടികൾക്ക് ശ്രീജിന പി.വി, ശ്രുതി കിഷോർ, മിനേഷ് മണക്കാട്ട്, സിന്ധു എന്നിവർ നേതൃത്വം നൽകി. ദുരന്തനിവാരണവുമായി (Disaster Management) ബന്ധപ്പെട്ട പ്രത്യേക പരിശീലന ക്ലാസുകൾ മട്ടന്നൂർ ഫയർ ആൻഡ് സേഫ്റ്റി ഉദ്യോഗസ്ഥരാണ് കൈകാര്യം ചെയ്തത്. അടിയന്തര സാഹചര്യങ്ങളെ നേരിടാൻ വനിതകളെ പ്രാപ്തരാക്കുകയാണ് ഈ പരിശീലനത്തിലൂടെ ലക്ഷ്യമിടുന്നത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.