മയ്യിൽ: കടൂർ നിരന്തോട് വൈ.എം.ആർ.സി (YMRC) റീഡിങ് റൂം & ലൈബ്രറിയുടെ വികസന പ്രവർത്തനങ്ങളിൽ പുതിയ നാഴികക്കല്ല്. ജില്ലാ ലൈബ്രറി കൗൺസിൽ വായനശാലയ്ക്ക് അനുവദിച്ച പുതിയ സൗണ്ട് സിസ്റ്റത്തിന്റെയും, പത്താം വാർഡ് മെമ്പർ ഓഫീസിന്റെയും ഉദ്ഘാടനം വായനശാലയിൽ വെച്ച് നടന്നു.
മയ്യിൽ ഗ്രാമപഞ്ചായത്ത് പ്രസിഡന്റ് സി.സി. വിനോദ് കുമാർ പരിപാടിയുടെ ഔദ്യോഗിക ഉദ്ഘാടനം നിർവഹിച്ചു. വായനശാലാ പ്രസിഡന്റ് കെ.വി. ജനാർദ്ദനൻ ചടങ്ങിൽ അധ്യക്ഷത വഹിച്ചു. സെക്രട്ടറി എം. പ്രസന്നൻ സ്വാഗതം ആശംസിച്ചു. പത്താം വാർഡ് മെമ്പർ പി. രാജേഷ് ചടങ്ങിൽ സംസാരിച്ചു. വാർഡ് വികസന കൺവീനർ എം. ഭരതൻ നന്ദി രേഖപ്പെടുത്തി.
വാർഡിലെ ജനങ്ങൾക്ക് മെമ്പറുടെ സേവനം കൂടുതൽ വേഗത്തിൽ ലഭ്യമാക്കുന്നതിനാണ് വായനശാലയിൽ പുതിയ ഓഫീസ് സജ്ജീകരിച്ചിരിക്കുന്നത്. കൂടാതെ, സാംസ്കാരിക പരിപാടികൾക്കായി ലഭിച്ച പുതിയ സൗണ്ട് സിസ്റ്റം പ്രദേശത്തെ സാമൂഹിക-സാംസ്കാരിക പ്രവർത്തനങ്ങൾക്ക് കൂടുതൽ കരുത്തേകുമെന്ന് ഭാരവാഹികൾ വ്യക്തമാക്കി. പ്രദേശത്തെ പ്രമുഖ വ്യക്തിത്വങ്ങളും വായനശാലാ പ്രവർത്തകരും നാട്ടുകാരും ചടങ്ങിൽ സംബന്ധിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.