കണ്ണാടിപ്പറമ്പ്: മുത്തപ്പൻ ക്ഷേത്രോത്സവം അലങ്കോലപ്പെടുത്താൻ ശ്രമം; ഡി.വൈ.എഫ്.ഐയുടേത് സമരാഭാസമെന്ന് ക്ഷേത്ര സമന്വയ സമിതി

കണ്ണാടിപ്പറമ്പ്: വാരം റോഡ് ശ്രീ മുത്തപ്പൻ ക്ഷേത്ര മഹോത്സവവുമായി ബന്ധപ്പെട്ടുണ്ടായ വിവാദങ്ങളിൽ പ്രതിഷേധവുമായി ക്ഷേത്ര സമന്വയ സമിതി. വളരെ സമാധാനപരമായി നടന്നുകൊണ്ടിരുന്ന ഉത്സവ ചടങ്ങുകൾ കരുതിക്കൂട്ടി അലങ്കോലപ്പെടുത്താൻ ചിലർ ശ്രമിച്ചതായും ഇതിനെതിരെ ഭക്തജനങ്ങൾ പ്രതികരിക്കുക മാത്രമാണ് ചെയ്തതെന്നും സമിതി അറിയിച്ചു.
പ്രോഗ്രാം അലങ്കോലമാക്കാൻ ശ്രമിച്ചവർക്കെതിരെ നടപടി സ്വീകരിക്കുന്നതിന് പകരം, വിഷയം രാഷ്ട്രീയവൽക്കരിച്ച് ഡി.വൈ.എഫ്.ഐ (DYFI) നടത്തുന്ന സമരാഭാസങ്ങൾ ഈ നാട്ടിലെ ഭക്തജനങ്ങളും നാട്ടുകാരും തിരിച്ചറിയുമെന്ന് സമിതി പ്രസ്താവനയിൽ പറഞ്ഞു. ഉത്സവ ചടങ്ങുകൾ മോശമാക്കാൻ കൂട്ടുനിന്നവർക്കെതിരെ ശക്തമായ പ്രതിഷേധം രേഖപ്പെടുത്തുന്നതായും ക്ഷേത്ര സമന്വയ സമിതി ഭാരവാഹികൾ വ്യക്തമാക്കി.