;
കണ്ണൂർ: വിദ്യാഭ്യാസ-സാമൂഹിക ശാക്തീകരണ രംഗത്ത് മൂന്ന് പതിറ്റാണ്ടായി പ്രവർത്തിക്കുന്ന കണ്ണാടിപ്പറമ്പ് ദാറുൽ ഹസനാത്ത് ഇസ്ലാമിക് കോംപ്ലക്സിന്റെ വാർഷിക പ്രഭാഷണ പരമ്പര ജനുവരി 15 മുതൽ 18 വരെ ഹസനാത്ത് ക്യാമ്പസിൽ നടക്കും. ദിവസവും വൈകുന്നേരം 7:30-നാണ് ചടങ്ങുകൾ ആരംഭിക്കുന്നത്.
പരിപാടികൾ ഒരൊറ്റനോട്ടത്തിൽ:
• ജനുവരി 15 (വ്യാഴം): സയ്യിദ് അലി ബാഅലവി തങ്ങളുടെ അധ്യക്ഷതയിൽ സയ്യിദ് അസ്ലം തങ്ങൾ അൽ മശ്ഹൂർ ഉദ്ഘാടനം ചെയ്യും. യഹ്യ ബാഖവി പുഴക്കര മുഖ്യപ്രഭാഷണം നടത്തും.
• ജനുവരി 16 (വെള്ളി): മുസ്ലിം ലീഗ് സംസ്ഥാന വൈസ് പ്രസിഡന്റ് അബ്ദുറഹ്മാൻ കല്ലായി ഉദ്ഘാടനം ചെയ്യും. മുനീർ ഹുദവി വിളയിൽ ഉൽബോധന പ്രസംഗം നടത്തും.
• ജനുവരി 17 (ശനി): പ്രമുഖ വാഗ്മി സിംസാറുൽ ഹഖ് ഹുദവി മുഖ്യപ്രഭാഷണം നടത്തും.
• ജനുവരി 18 (ഞായർ): സമാപന ദിവസത്തെ പ്രാർത്ഥനാ സംഗമത്തിന് പാണക്കാട് സയ്യിദ് നാസർ ഹയ്യ് ശിഹാബ് തങ്ങൾ നേതൃത്വം നൽകും.
സയ്യിദ് അലി ഹാശിം ബാഅലവി തങ്ങൾ, അഹ്മദ് ബഷീർ ഫൈസി മാണിയൂർ, അൻവർ ഹുദവി പുല്ലൂർ തുടങ്ങിയ പണ്ഡിതന്മാരും നേതാക്കളും വിവിധ ദിവസങ്ങളിൽ സംബന്ധിക്കും. നാല് ദിവസം നീണ്ടുനിൽക്കുന്ന പ്രഭാഷണ പരമ്പര വിജയിപ്പിക്കാൻ മുഴുവൻ വിശ്വാസികളും സഹകരിക്കണമെന്ന് ഹസനാത്ത് മാനേജിംഗ് കമ്മിറ്റി വാർത്താസമ്മേളനത്തിൽ അഭ്യർത്ഥിച്ചു.
കെ.പി. അബൂബക്കർ ഹാജി, കബീർ കണ്ണാടിപ്പറമ്പ്, പി.പി. ഖാലിദ് ഹാജി, സി.എൻ. അബ്ദുറഹ്മാൻ, ഡോ. താജുദ്ദീൻ വാഫി എന്നിവർ വാർത്താസമ്മേളനത്തിൽ പങ്കെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.