കൊളച്ചേരിയിൽ തെരുവ് നായ ശല്യം രൂക്ഷം; വൃദ്ധന് കടിയേറ്റു

kannadiparamba online ✍️

കൊളച്ചേരി: കൊളച്ചേരി പഞ്ചായത്തിന്റെ വിവിധ ഭാഗങ്ങളിൽ തെരുവ് നായ ശല്യം അതിരൂക്ഷമാകുന്നു. ഇന്ന് രാവിലെ ചേലേരി വൈദ്യർകണ്ടിക്ക് സമീപം വഴിനടന്നു പോവുകയായിരുന്ന വയോധികനെ തെരുവ് നായ മാരകമായി ആക്രമിച്ചു. വൈദ്യർകണ്ടി സ്വദേശി കെ. മുരളീധരന് (72) ആണ് കടിയേറ്റത്.കണ്ണാടിപറമ്പ ഓൺലൈൻ

കാലിനും കൈക്കും ഗുരുതരമായി പരിക്കേറ്റ ഇദ്ദേഹത്തെ കണ്ണൂർ ജില്ലാ ആശുപത്രിയിൽ പ്രവേശിപ്പിച്ചു. അക്രമാസക്തമായ നായയ്ക്ക് പേവിഷബാധ (ഭ്രാന്ത്) ഉണ്ടെന്ന് സംശയിക്കുന്നതായി നാട്ടുകാർപറഞ്ഞു. മുരളീധരനെ ആക്രമിച്ച നായയെ പിന്നീട് പ്രദേശത്ത് ചത്ത നിലയിൽ കണ്ടെത്തി. ഇതോടെ കൂടുതൽ ആളുകൾക്ക് കടിയേൽക്കാനുള്ള സാധ്യത ഒഴിവായി.കണ്ണാടിപറമ്പ ഓൺലൈൻ

ഭീതിയിൽ നാട്ടുകാർ:

പ്രദേശത്ത് തെരുവ് നായകളുടെ എണ്ണം ക്രമാതീതമായി വർദ്ധിച്ചിരിക്കുകയാണ്. വിദ്യാർത്ഥികൾക്കും കാൽനടയാത്രക്കാർക്കും പുറത്തിറങ്ങാൻ കഴിയാത്ത അവസ്ഥയാണെന്ന് നാട്ടുകാർ പരാതിപ്പെടുന്നു. പഞ്ചായത്ത് അധികൃതർ അടിയന്തരമായി ഇടപെട്ട് തെരുവ് നായ ശല്യം ഒഴിവാക്കാൻ ശാശ്വത നടപടി സ്വീകരിക്കണമെന്നും, പരിക്കേറ്റവർക്ക് അടിയന്തര സഹായം ലഭ്യമാക്കണമെന്നും നാട്ടുകാർ ആവശ്യപ്പെട്ടു.കണ്ണാടിപറമ്പ ഓൺലൈൻ