തളിപ്പറമ്പ്: മുപ്പത് വർഷത്തെ ഇടവേളയ്ക്ക് ശേഷം തളിപ്പറമ്പ് ബ്ലോക്ക് പഞ്ചായത്ത് ഭരണം യു.ഡി.എഫ് തിരിച്ചുപിടിച്ചു. യു.ഡി.എഫിലെ ജെസി ഷിജി വട്ടക്കാട്ട് പുതിയ പ്രസിഡന്റായി സത്യപ്രതിജ്ഞ ചെയ്ത് അധികാരമേറ്റു. മൂന്ന് പതിറ്റാണ്ടായി ഇടതുമുന്നണി ഭരിച്ചിരുന്ന താലൂക്കിന്റെ ഭരണസിരാകേന്ദ്രമാണ് യു.ഡി.എഫ് പിടിച്ചെടുത്തത്.
പഞ്ചായത്ത് ഹാളിൽ നടന്ന തിരഞ്ഞെടുപ്പിൽ വരണാധികാരി മുൻപാകെയാണ് ജെസി ഷിജി സത്യപ്രതിജ്ഞ ചെയ്തത്. തദ്ദേശ സ്വയംഭരണ തിരഞ്ഞെടുപ്പിൽ തളിപ്പറമ്പ് ബ്ലോക്ക് ഡിവിഷനുകളിൽ യു.ഡി.എഫ് നേടിയ അട്ടിമറി വിജയമാണ് ഈ ഭരണമാറ്റത്തിന് വഴിയൊരുക്കിയത്.
ദീർഘകാലത്തെ എൽ.ഡി.എഫ് ഭരണത്തിന് അന്ത്യം കുറിച്ച് ബ്ലോക്ക് ഭരണത്തിൽ എത്തിയ യു.ഡി.എഫിന്റെ ഈ വിജയം പ്രവർത്തകർ വലിയ ആവേശത്തോടെയാണ് ആഘോഷിച്ചത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.