കണ്ണൂർ: കണ്ണൂർ കോർപറേഷന്റെ പുതിയ മേയറായി യു.ഡി.എഫിലെ അഡ്വ. പി. ഇന്ദിര തിരഞ്ഞെടുക്കപ്പെട്ടു. ഇന്ന് രാവിലെ നടന്ന വോട്ടെടുപ്പിൽ എൽ.ഡി.എഫ്, ബി.ജെ.പി സ്ഥാനാർത്ഥികളെ വൻ ഭൂരിപക്ഷത്തിന് പരാജയപ്പെടുത്തിയാണ് ഇന്ദിര കോർപറേഷന്റെ അമരത്തെത്തിയത്.
വോട്ടെടുപ്പ് നില:
ആകെ 55 അംഗ കൗൺസിലിൽ നടന്ന തിരഞ്ഞെടുപ്പിൽ അഡ്വ. പി. ഇന്ദിര 36 വോട്ടുകൾ നേടി വ്യക്തമായ ഭൂരിപക്ഷം ഉറപ്പിച്ചു. എൽ.ഡി.എഫ് സ്ഥാനാർത്ഥി വി.കെ. പ്രകാശിനിക്ക് 15 വോട്ടുകളും, ബി.ജെ.പി സ്ഥാനാർത്ഥി അഡ്വ. അർച്ചന വണ്ടിച്ചാലിന് 4 വോട്ടുകളുമാണ് ലഭിച്ചത്.
ഭരണം ഉറപ്പിച്ച് യു.ഡി.എഫ്:
യു.ഡി.എഫിന് വ്യക്തമായ ആധിപത്യമുള്ള കൗൺസിലിൽ പ്രതീക്ഷിച്ച വിജയം തന്നെയാണ് അഡ്വ. പി. ഇന്ദിര കൈവരിച്ചത്. കോർപറേഷന്റെ വികസന പ്രവർത്തനങ്ങൾക്ക് പുതിയ മേയറുടെ നേതൃത്വത്തിലുള്ള ഭരണസമിതി വേഗത കൂട്ടുമെന്നാണ് നഗരവാസികളുടെ പ്രതീക്ഷ. ഉച്ചയ്ക്ക് ശേഷം ഡെപ്യൂട്ടി മേയർ തിരഞ്ഞെടുപ്പ് നടക്കും.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.