പുല്ലൂപ്പി:പുല്ലൂപ്പിയിൽ തെരുവുനായ ശല്യം നിയന്ത്രണാതീതമായി തുടരുന്നതിനിടെ, ഇന്ന് വീണ്ടും അപകടം. നായ കുറുകെ ചാടിയതിനെ തുടർന്ന് ബൈക്ക് യാത്രികനായ യുവാവിന് പരിക്കേറ്റു. ഇതോടെ, സുരക്ഷ ഉറപ്പാക്കാൻ അധികൃതർ ഉടൻ ഇടപെടണമെന്ന ആവശ്യം ശക്തമായി.
പുല്ലൂപ്പി തനിമ ബേക്കറിക്ക് സമീപം വെച്ചാണ് അപകടം സംഭവിച്ചത്. പുല്ലൂപ്പി സ്വദേശിയായ അസീബിനാണ് പരിക്കേറ്റത്. നായ അപ്രതീക്ഷിതമായി റോഡിന് കുറുകെ ചാടിയതിനെത്തുടർന്ന് ബൈക്ക് നിയന്ത്രണം വിട്ട് മറിയുകയായിരുന്നു. പരിക്കേറ്റ അസീബിനെ ഉടൻ ആശുപത്രിയിൽ പ്രവേശിപ്പിച്ചു.
തുടർച്ചയായ മൂന്നാമത്തെ സംഭവം
കഴിഞ്ഞ കുറച്ചു ദിവസങ്ങൾക്കിടെ പുല്ലൂപ്പിയിൽ ഉണ്ടാകുന്ന മൂന്നാമത്തെ അപകടമാണിത്.
- കഴിഞ്ഞ ദിവസം പുല്ലൂപ്പി 13-ാം വാർഡ് ഭാഗത്ത് ഒരാൾക്ക് തെരുവുനായയുടെ കടിയേറ്റിരുന്നു.
- അതിനു മുൻപ് ഒരു കുട്ടിക്കും ഒരു വയോധികക്കും ഉൾപ്പെടെ രണ്ടുപേർക്ക് നായയുടെ കടിയേറ്റിരുന്നു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.