തെരുവുനായ ആക്രമണം രൂക്ഷം: കമ്പിൽ ടൗണിൽ നാലുപേർക്ക് കടിയേറ്റു

Kannadiparamba online ✍️

കമ്പിൽ: കമ്പിൽ ടൗണിൽ തെരുവുനായയുടെ വിളയാട്ടം. ഇന്ന് രാത്രി 7.30ഓടെയുണ്ടായ ആക്രമണത്തിൽ നാലോളം പേർക്ക് കടിയേറ്റതായി പ്രാഥമിക വിവരം. തെരുവുനായയുടെ ആക്രമണത്തിന് ഇരയായവരിൽ ബൈക്കിൽ യാത്ര ചെയ്തിരുന്നവരും ഉൾപ്പെടുന്നു.

പരിക്കേറ്റവരെ ഉടൻതന്നെ ആശുപത്രിയിൽ പ്രവേശിപ്പിച്ചു.

കമ്പിലും പരിസരപ്രദേശങ്ങളിലും തെരുവുനായ ശല്യം രൂക്ഷമാണ്. സ്കൂളുകളിലേക്കും മദ്രസകളിലേക്കും പോകുന്ന വിദ്യാർത്ഥികൾ ഉൾപ്പെടെയുള്ളവർ ഭീതിയോടെയാണ് യാത്ര ചെയ്യുന്നത്. പൊതുജനങ്ങളുടെ സുരക്ഷ ഉറപ്പാക്കാൻ തെരുവുനായ ശല്യത്തിന് എത്രയും പെട്ടെന്ന് പരിഹാരം കാണണമെന്ന ആവശ്യം ശക്തമായിട്ടുണ്ട്.