ചേലേരി യു.പി സ്കൂളിന് സമീപം വെള്ളക്കെട്ട് ദുരിതം

കൊളച്ചേരി പഞ്ചായത്തിലെ ചേലേരി യു.പി സ്കൂളിന് സമീപം മഴ പെയ്യുമ്പോൾ കടുത്ത വെള്ളക്കെട്ട് അനുഭവപ്പെടുന്നു. നടക്കാൻ പോലും സാധിക്കാത്ത അവസ്ഥയാണ് പ്രദേശത്ത്.

ഒരു വർഷം മുൻപ് പ്രശ്നത്തിന് പരിഹാരമായി പൊതുമരാമത്ത് വകുപ്പ് (PWD) ഓവ് ചാൽ നിർമിച്ചെങ്കിലും, അതിന് യാതൊരു ഫലവും ഉണ്ടായില്ല. മാത്രമല്ല, ചേലേരി സ്കൂൾ വളവിൽ ചേലേരി റോഡിലേക്ക് പ്രവേശിക്കുന്ന സ്ഥലത്ത് വലിയ കുഴി രൂപപ്പെട്ടിട്ടുണ്ട്. ഇതുമൂലം ഇരുചക്ര വാഹനങ്ങൾ സ്ഥിരം അപകടങ്ങളിൽ പെടുന്ന സാഹചര്യം നിലനിൽക്കുന്നു.

നാട്ടുകാരുടെ ആവശ്യമാണ് പഞ്ചായത്തും പൊതുമരാമത്തും പ്രശ്നം ഗൗരവമായി കാണുകയും അടിയന്തര നടപടി സ്വീകരിക്കുകയും ചെയ്യണം എന്നത്. ജനപ്രതിനിധികളും കാര്യത്തിൽ ഇടപെടണമെന്ന് നാട്ടുകാർ ആവശ്യപ്പെട്ടു.