കണ്ണൂര്: തദ്ദേശ തിരഞ്ഞെടുപ്പില് ചരിത്ര വിജയം നേടാനുള്ള പ്രവർത്തനങ്ങൾക്കാണ് ഇനിയുള്ള ദിവസങ്ങൾ വിനിയോഗിക്കേണ്ടതെന്ന് കെ പി സി സി പ്രസിഡന്റ് അഡ്വ. സണ്ണി ജോസഫ് എംഎല്എ പറഞ്ഞു.കേന്ദ്ര സംസ്ഥാന സര്ക്കാരുകളുടെ ജനദ്രോഹ നയങ്ങള്ക്കെതിരായി കെ പി സി സി ആഹ്വാന പ്രകാരമുള്ള സമരസംഗമം കണ്ണൂര് നവനീതം ഓഡിറ്റോറിയത്തില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.നിലമ്പൂരിലെ തെരഞ്ഞെടുപ്പ് വിജയം നമുക്ക് വഴികാട്ടിയായി നിലനില്ക്കുകയാണ്. ഈ വര്ഷം അവസാനം നടക്കുന്ന തദ്ദേശ തിരഞ്ഞെടുപ്പില് യു.ഡി.എഫിനു ചരിത്ര വിജയം നേടാന് വേണ്ടിയുള്ള പ്രവര്ത്തനം ഊര്ജ്ജിതമാക്കണം. 2026 ല് നടക്കുന്ന നിയമ സഭ തെരഞ്ഞെടുപ്പില് വിജയം നേടി യു ഡി എഫ് അധികാരത്തിലേക്ക് കടന്നുവരണമെന്നും സണ്ണി ജോസഫ് പറഞ്ഞു.ജനകീയ പ്രശ്നങ്ങളുയര്ത്തി കൊണ്ടാണ് നിലമ്പൂരില് യു.ഡി.എഫ് പ്രചരണം നടത്തിയത് . ജനങ്ങള് നമ്മളുടെ കൂടെ നിന്നു. അത് കൊണ്ട് ജനകീയ വിഷയങ്ങളുയര്ത്തിയുള്ള പ്രക്ഷോഭം തുടരണം. അതിനായി ഒറ്റകെട്ടായി ഏക മനസോടെ പ്രവര്ത്തിക്കണമെന്നും അദ്ദേഹം പറഞ്ഞു.
തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് മുന്നോടിയായി വാര്ഡ് വിഭജനം ഉള്പ്പെടെ നടന്നു കഴിഞ്ഞു. തെരഞ്ഞെടുപ്പ് കമ്മീഷന് സര്ക്കാറിന് അനുകൂലമായ രീതിയിലാണ് പ്രവര്ത്തിക്കുന്നത്. കാലിന്റെ അളവിന് അനുസരിച്ച് മുറിക്കുന്നതിന് പകരം ചെരുപ്പിന്റെ അളവ് അനുസരിച്ച് കാല് മുറിക്കുന്നത് പോലെയാണ് വാര്ഡ് വിഭജനം നടത്തിയത്. വോട്ടര് പട്ടിക പ്രസിദ്ധീകരിക്കുന്ന കാര്യത്തില് പോലും തെരഞ്ഞെടുപ്പ് കമ്മീഷന് അനാവശ്യമായ നീട്ടികൊണ്ട് പോകല് നടത്തുകയാണ്. ഈ മാസം 21 ന് വോട്ടര്പട്ടിക പ്രസിദ്ധീകരിക്കുമെന്നാണ് പറയുന്നത്. വോട്ടര്പട്ടിക പ്രസിദ്ധീകരിച്ച് കഴിഞ്ഞാല് തള്ളേണ്ടവരെ തള്ളിക്കാനും ചേര്ക്കാനുള്ളവരെ ചേര്ക്കാനും പ്രവര്ത്തകര് ജാഗരൂകരാകണമെന്നും സണ്ണിജോസഫ് എംഎല്എ പറഞ്ഞു.യുഡിഎഫ് കണ്വീനര് അടൂര് പ്രകാശ്, കെ പി സി സി വര്ക്കിംഗ് പ്രസിഡന്റുമാരായ എ.പി. അനില്കുമാര് എം എല് എ, ഷാഫി പറമ്പില് എം പി , രാജ്മോഹന് ഉണ്ണിത്താന് എം പി എന്നിവർ പ്രസംഗിച്ചു. ഡിസിസി പ്രസിഡന്റ് അഡ്വ. മാര്ട്ടിന് ജോര്ജ് അധ്യക്ഷത വഹിച്ചു. സജിവ് ജോസഫ് എംഎല്എ, അഡ്വ. പി എം നിയാസ്, അഡ്വ. സോണി സെബാസ്റ്റ്യന്, പ്രൊഫ. എ ഡി മുസ്തഫ , വി എ നാരായണന്, , സജീവ് മാറോളി ,ചന്ദ്രൻ തില്ലങ്കേരി ,അഡ്വ. ടി ഒ മോഹനൻ ,റിജിൽ മാക്കുറ്റി ,മുഹമ്മദ് ബ്ലാത്തൂർ ,എം പി ഉണ്ണികൃഷ്ണൻ ,രജനി രാമാനന്ദ് , രാജീവൻ എളയാവൂർ ,അമൃത രാമകൃഷ്ണൻ , ഷമാ മുഹമ്മദ്, എം പി വേലായുധൻ ,കൊയ്യം ജനാർദ്ദനൻ , , കെ വി ഫിലോമിന ,തോമസ് വക്കത്താനം ,ടി ജയകൃഷ്ണൻ ,വിജില് മോഹന്, ശ്രീജ മഠത്തില്, എം സി അതുല് ,മധു എരമം തുടങ്ങിയവരും പങ്കെടുത്തു,
ഡിവൈഎഫ്ഐ- എസ് എഫ് ഐ സമരാഭാസം സർക്കാരിൻ്റെ വീഴ്ച മറച്ചുവെക്കാൻ: അടൂർ പ്രകാശ്
കണ്ണൂര്: ആരോഗ്യമേഖലയിലെ വീഴ്ച മറച്ച് വെക്കാനാണ് ഡിവൈഎഫ്ഐയും എസ് എഫ് ഐയും കേരളത്തില് സമരാഭാസം നടത്തുന്നതെന്ന് യുഡിഎഫ് കൺവീനർ അടൂര് പ്രകാശ് പറഞ്ഞു. കണ്ണൂരില് നടന്ന സമര സംഗമത്തിൽ സംസാരിക്കുകയായിരുന്നു അദ്ദേഹം.എല്ലാ മേഖലയിലും കേരളം നമ്പര് വണ് എന്നാണ് പി ആര് വര്ക്കിലൂടെ അവകാശപ്പെടുന്നത്. എന്നാല് കേരളത്തില് അടുത്തകാലത്തുണ്ടായ ഒട്ടേറെ സംഭവങ്ങള് വെളിവാക്കുന്നത് ഈ അവകാശ വാദം വെറും പൊള്ളയാണെന്നാണ്. ആരോഗ്യ മേഖലയില് ഒന്നാമതെന്ന് പറയുന്ന മുഖ്യമന്ത്രിയും ആരോഗ്യ വകുപ്പ് മന്ത്രി വീണ ജോര്ജും ചികില്സക്ക് പോകുന്നത് സര്ക്കാര് മെഡിക്കല് കോളജിലേക്കല്ല. മുഖ്യമന്ത്രി പോയിരിക്കുന്നത് അമേരിക്കയിലും വീണാ ജോര്ജ് പോയത് വെല്ലൂര് മെഡിക്കല് കോളജിലുമാണെന്ന് ഓര്ക്കണം.
കേരളത്തില് ഉണ്ടായിരുന്ന അഞ്ച് മെഡിക്കല് കോളജിന് പുറമെ നാല് മെഡിക്കല് കോളജ് സ്ഥാപിക്കാനുള്ള നടപടി സ്വീകരിച്ചത് ഉമ്മന് ചാണ്ടി സര്ക്കാരിന്റെ കാലത്തായിരുന്നു. വിദ്യാഭ്യാസ മേഖലയിലും ഒട്ടേറെ പുതിയ സംരഭങ്ങള് തുടങ്ങിയതും സ്വാശ്രയ കോളജുകള് തുടങ്ങാൻ സാധിച്ചതും യുഡിഎഫ് ഭരണകാലത്തായിരുന്നു. ഈ സര്ക്കാര് എന്ത് സൗകര്യങ്ങളാണ് ജനങ്ങള്ക്ക് വേണ്ടി ഒരുക്കിയതെന്ന് അടൂര് പ്രകാശ് ചോദിച്ചു. നാട് മുടിച്ച് ജനങ്ങള്ക്ക് ദുരിതം മാത്രം സമ്മാനിക്കുന്ന ഈ സര്ക്കാരിനെതിരെയുള്ള പോരാട്ടം നടത്താന് നാമെല്ലാം ഒറ്റ മനസോടെ പ്രവര്ത്തിക്കണമെന്നും അടൂര് പ്രകാശ് പറഞ്ഞു.
വരുന്ന തദ്ദേശ തെരഞ്ഞെത്തെടുപ്പിലും നിയമസഭാ തെരഞ്ഞെ ഞ്ഞെടുപ്പിലും ഒറ്റക്കെട്ടായി നിന്നാല് യു.ഡി. എഫ് മുന്നണിക്ക് ഭരണം ലഭിക്കുമെന്ന കാര്യത്തില് സംശയമില്ല. ഇനിയുള്ള കാലയളവില് നേതാക്കളും പ്രവര്ത്തകരും അതിനായി ഒത്തൊരുമിച്ച് പ്രവര്ത്തിക്കണമെന്നും അദ്ദേഹം ആവശ്യപ്പെട്ടു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.