ഷാർജ: മലയാളി കുടുംബത്തിലെ യുവതിയും ഒന്നരവയസ്സുള്ള മകളും ഷാർജയിലെ ഫ്ലാറ്റിൽ മരിച്ച നിലയിൽ കണ്ടെത്തപ്പെട്ടു. **കൊല്ലം കൊട്ടാരക്കര സ്വദേശി വിപഞ്ചിക (20)**യും മകൾ വൈഭവി (1.5 വയസ്) യുമാണ് മരിച്ചത്.
ചൊവ്വാഴ്ച ഉച്ചയോടെ ഷാർജയിലെ അൽ നഹ്ദ മേഖലയിലുള്ള ഫ്ലാറ്റിൽ നിന്നാണ് ഇരുവരുടെയും മൃതദേഹങ്ങൾ കണ്ടെത്തിയത്. അമ്മയും കുഞ്ഞും തൂങ്ങി മരിച്ച നിലയിലാണ് കണ്ടെത്തിയത്. കുഞ്ഞിനെ കൊന്ന് പിന്നീടാണ് അമ്മ ആത്മഹത്യ ചെയ്തത് എന്നാണു പ്രാഥമിക നിഗമനം.
ഭർത്താവ് നിധീഷുമായി അകൽച്ചയിലായിരുന്നു വിപഞ്ചിക. പൊലീസ് ഓപറേഷൻ റൂമിൽ വിവരം ലഭിച്ച ഉടനെ പൊലീസ് സ്ഥലത്ത് എത്തുകയും തുടർ നടപടി സ്വീകരിക്കുകയും ചെയ്തു.
മൃതദേഹങ്ങൾ പോസ്റ്റുമോർട്ടത്തിനായി ഫോറൻസിക് ലബോറട്ടറിയിലേക്ക് മാറ്റി. സംഭവത്തിൽ അൽ ബുഹൈറ പൊലീസ് അസ്വാഭാവിക മരണത്തിന് കേസെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.