പുലീപ്പി ഹിന്ദു എൽ.പി.സ്കൂൾ ലീഡർ തെരഞ്ഞെടുപ്പ് – ബഷീറും പാത്തുമ്മയും വോട്ട് രേഖപ്പെടുത്തി

കണ്ണാടിപ്പറമ്പ് :-പുലീപ്പി ഹിന്ദു എൽ.പി സ്കൂളിലെ ലീഡർ തെരഞ്ഞടുപ്പ് ബഷീറിൻ്റെ ഓർമദിനത്തിൽ (ജൂലായ് 5 ) നടന്നു. ജനാധിപത്യ രീതിയിൽ നടക്കുന്ന തെരഞ്ഞെടുപ്പ് സംവിധാനങ്ങളെക്കുറിച്ചും പ്രക്രിയകളെക്കുറിച്ചും കുട്ടികളെ ബോധവൽക്കരിക്കുന്നതായി സ്കൂൾ ലീഡർ തെരഞ്ഞെടുപ്പ്. വിജ്ഞാപനം, പത്രികാ സമർപ്പണം, സ്ഥാനാർത്ഥി നിർണയം, ചിഹ്നം അനുവദിക്കൽ, പ്രചരണം, സമ്മതിദാനാവകാശം വിനിയോഗിക്കൽ, വോട്ടെണ്ണൽ, ഫലപ്രഖ്യാപനം എന്നിങ്ങനെ വിവിധ ഘട്ടങ്ങൾ കുട്ടികൾക്ക് മനസ്സിലാക്കാൻ കഴിഞ്ഞു.
പ്രീ- പോൾ സർവ്വേ ഫലം അട്ടിമറിച്ചാണ്
തെരഞ്ഞെടുപ്പ് ഫലം വന്നത്. ദിയ.പി സ്കൂൾ ലീഡറായും അനകേന്ദ് വി. ഡപ്യൂട്ടി ലീഡറായും തെരഞ്ഞെടുക്കപ്പെട്ടു. 3, 4, 5 ക്ലാസിലെ കുട്ടികൾക്കാണ് വോട്ടവകാശം നൽകിയത്. ബേപ്പൂർ സുൽത്താനും കൂടെ പാത്തുമ്മയും വോട്ട് ചെയ്യാനെത്തിയത് കുട്ടികൾക്ക് വേറിട്ട അനുഭവമായി. ബഷീറിൻ്റെ കഥാപാത്രങ്ങളായി എത്തിയ കുരുന്നുകൾ ഏവരെയും വിസ്മയപ്പെടുത്തി.