മയ്യിൽ: കൾവർട്ടകൾ പുതുക്കിപ്പണിയുമ്പോൾ നിർത്തിവെച്ച മയ്യിൽ വില്ലേജ് ഓഫീസ് റോഡിലൂടെയുള്ള ബസ് സർവ്വീസ് പുനരാരംഭിക്കണമെന്ന് കേരള കർഷക സംഘം വള്ളിയോട്ട് വടക്ക് യൂനിറ്റ് കൺവെൻഷൻ ബന്ധപ്പെട്ടവരോടാവശ്യപ്പെട്ടു. സർവ്വീസ് നിർത്തിയതുകാരണം വിദ്യാർത്ഥികളും രോഗികളും, വയോജനങ്ങളും ഉൾപ്പെടെയുള്ള നിരവധിയാളുകൾ വല്ലാത്ത യാത്രാ ദുരിതം അനുഭവിക്കുകയാണെന്ന് യോഗം ചൂണ്ടിക്കാട്ടി.
കെ. നാരായണൻ്റെ അദ്ധ്യക്ഷതയിൽ ജയകേര ളവായനശാലയിൽ നടന്ന കൺവെൻഷൻ ഏരിയ വൈ: പ്രസിഡണ്ട് എം.വി. ഓമന ഉദ്ഘാടനം ചെയ്തു. ഇ.പി. രാജൻ, എം.വി. നാരായണൻ , കെ.പി. പവിത്രൻ, വി.വി. പുരുഷോത്തമൻ എന്നിവർ സംസാരിച്ചു. യൂനിറ്റ് സെക്രട്ടറി എം.വി. നാരായണൻ സ്വാഗതവും, കെ.പി. പവിത്രൻ നന്ദിയും പറഞ്ഞു.
—
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.