കണ്ണൂര് : കേരളത്തില് വീണ്ടും അമീബിക് മസ്തിഷ്ക ജ്വരം ബാധിച്ച് മരണം. കോഴിക്കോടെ സ്വകാര്യ ആശുപത്രിയില് ചികിത്സയിലിരിക്കെ മരിച്ച പെണ്കുട്ടിക്ക് അമീബിക് മസ്തിഷ്ക ജ്വരം സ്ഥിരീകരിച്ചു.
കണ്ണൂര് തോട്ടടയിലെ രാഗേഷ് ബാബു-ധന്യ ദമ്പതികളുടെ മകള് ദക്ഷിണക്ക് (13) ആണ് രോഗം സ്ഥിരീകരിച്ചത്. ജൂണ് 12-ന് ആണ് കുട്ടി മരിച്ചത്.
മരണ കാരണം അത്യപൂര്വ്വ അമീബയെന്നാണ് പരിശോധന ഫലം. തലവേദനയും ചര്ദ്ദിയും ബാധിച്ച് ചാലയിലെ സ്വകാര്യ ആശുപത്രിയിൽ ആണ് കുട്ടി ആദ്യം ചികിത്സ തേടിയത്. പിന്നീട് ആരോഗ്യനില മോശമായതിനെ തുടർന്ന് കോഴിക്കോട്ടേക്ക് മാറ്റുക ആയിരുന്നു.
സ്കൂളില് നിന്ന് മൂന്നാറിലേക്ക് പഠനയാത്ര പോയ സമയത്ത് കുട്ടി പൂളില് കുളിച്ചിരുന്നു. ഇതാണ് രോഗ ബാധക്ക് കാരണം എന്നാണ് പ്രാഥമിക നിഗമനം.
സാധാരണ അമീബ ശരീരത്തില് പ്രവേശിച്ചാൽ അഞ്ച് ദിവസംകൊണ്ട് രോഗ ലക്ഷണങ്ങള് കാണുകകയും വളരെ പെട്ടന്ന് തന്നെ ആരോഗ്യ സ്ഥിതി മോശമാവുകയും ചെയ്യാറാണ് പതിവെങ്കിൽ, ഈ കുട്ടിക്ക് പൂളില് കുളിച്ച് മൂന്നര മാസം കഴിഞ്ഞാണ് രോഗലക്ഷണങ്ങള് കണ്ടു തുടങ്ങിയത്. ജനുവരി 28-ന് യാത്ര പോയ കുട്ടിക്ക് മെയ് എട്ടിനാണ് രോഗലക്ഷണം കണ്ടുതുടങ്ങിയത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.