കഅ്ബയുടെ താക്കോല്‍ സൂക്ഷിപ്പുകാരന്‍ ഡോ. അല്‍ ഷൈബി അന്തരിച്ചു

മക്ക: കഅ്ബയുടെ താക്കോൽ സൂക്ഷിപ്പുകാരൻ ഡോ.സാലിഹ് ബിൻ സൈനുൽ ആബിദീൻ അൽ ഷൈബി (74) അന്തരിച്ചു. മക്കയിലായിരുന്നു അന്ത്യം.

യൂണിവേഴ്സിറ്റി പ്രൊഫസറായി വിരമിച്ച അദ്ദേഹം മതവും ചരിത്രവും സംബന്ധിച്ച് ഒട്ടേറെ പുസ്തകങ്ങൾ പ്രസിദ്ധീകരിച്ചിരുന്നു. കഅ്ബയുടെ 109-ാമത്തെ സംരക്ഷകനായിരുന്നു ഡോ.സാലിഹ് ബിൻ സൈനുൽ ആബിദീൻ അൽ ഷൈബി.

ഇസ്ലാമിക കാലഘട്ടം മുതൽ ഷൈബിയുടെ കുടുംബത്തിനാണ് കഅ്ബയുടെ കാവൽക്കാരുടെ ചുമതല നൽകിയിരിക്കുന്നത്. കുടുംബത്തിലെ മുതിർന്നയാൾക്കാണ് സാധാരണ ചുമതല നൽകിവരുന്നത്. കഅ്ബയുമായി ബന്ധപ്പെട്ട ചടങ്ങുകളുടെയും പ്രധാന കാർമ്മികരിലൊരാളായിരുന്നു അൽ ഷൈബി.