കൊളച്ചേരി പഞ്ചായത്ത് തല പ്രവേശനോത്സവം മാലോട്ട് എ എൽ പി സ്കൂളിൽ സംഘടിപ്പിച്ചു.

കൊളച്ചേരി പഞ്ചായത്ത്തല പ്രവേശനോത്സവം മാലോട്ട് എ എൽ പി.സ്കൂളിൽ കൊളച്ചേരി ഗ്രാമപഞ്ചായത്ത് പ്രസിഡണ്ട് ശ്രീ.കെ.പി.അബ്ദുൾ മജീദ് ഉദ്ഘാടനം ചെയ്തു.വാർഡ് മെമ്പർ ശ്രീമതി ഇ.കെ അജിത അധ്യക്ഷത വഹിച്ചു. കുട്ടികൾക്കുള്ള സൗജന്യ യൂണിഫോം വിതരണം കൊളച്ചേരി പഞ്ചായത്ത് വൈസ് പ്രസിഡണ്ട് ശീമതി സജ് മ എം. നിർവഹിച്ചു. കുട്ടികൾക്കുള്ള പഠനോപകരണക്കിറ്റ് വിതരണം ആരോഗ്യ വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ ശ്രീ.കെ.ബാലസുബ്രഹ്മണ്യം നിർവഹിച്ചു. പരിപാടിയിൽ പി.ടി.എ.പ്രസിഡണ്ട് ശ്രീ.പി.വേലായുധൻ , സ്കൂൾ മാനേജർ ശ്രീ.എം വി.ബാലകൃഷ്ണൻ , മദർ പി.ടി.എ.പ്രസിഡണ്ട് ശ്രീമതി ഹഫ്സത്ത് പി.വി. CRC കോർഡിനേറ്റർമാരായ ബിജിന ഷാ ഗിൽ, ആശാ ലക്ഷ്മി , മുൻ പ്രധാനധ്യാപകരായ ശ്രീ.ടി.പി. കുഞ്ഞഹമ്മദ് മാസ്റ്റർ, ശ്രീമതി എം.വി.കോമളവല്ലിടീച്ചർ, അധ്യാപകരായ അനിത എ.പി.കെ. ഹർഷ സി. എന്നിവർ ആശംസയും ഹെഡ്മിസ്ട്രസ്സ് ശ്രീമതി. പി.ബിന്ദു സ്വാഗതവുംരമ്യ കെ.ഒ.നന്ദിയും പറഞ്ഞു.