കണ്ണാടിപറമ്പ് പുല്ലൂപ്പിയിൽ റോഡ് പണിക്കിടെ കോൺക്രീറ്റ് യന്ത്രം പിന്നോട്ടുരുണ്ട് സ്ത്രീ തൊഴിലാളി മരിച്ചു; ഭർത്താവിനു പരിക്ക്

കണ്ണാടിപ്പറമ്പ: റോഡ് പണിക്കിടെ കോൺക്രീറ്റ് യന്ത്രം പിന്നോട്ടുരുണ്ട് ദേഹത്തേക്കു പതിച്ച് സ്ത്രീ തൊഴിലാളി മരിച്ചു. ഭർത്താവിനു പരിക്ക്. തമിഴ്‌നാട് സ്വദേശി ചിത്ര (45) ആണ് മരിച്ചത്.
ഇന്ന് രാവിലെ 11 മണിയോടെ പുല്ലൂപ്പി പള്ളിപ്രം റോഡിലാണ് സംഭവം. കുന്നിനു മുകളിലേക്ക് യന്ത്രം എത്തിക്കുന്നതിനിടെ താഴേക്ക് പതിക്കുകയായിരുന്നു നാട്ടുകാർ പറഞ്ഞു. പരിക്കേറ്റ ഭർത്താവിനെ ആശുപത്രിയിൽ പ്രവേശിപ്പിച്ചു. ചിത്രയുടെ മൃതദേഹം ജില്ലാ ആശുപത്രിയിൽ സൂക്ഷിച്ചിരിക്കുകയാണ്.