ടിപ്പർ ലോറിയും ബൈക്കും കൂട്ടിയിടിച്ച് മധ്യവയസ്കന് പരിക്ക്.

പഴയങ്ങാടി. പിലാത്തറ- പഴയങ്ങാടി കെഎസ്ടിപി റോഡിൽ എരിപുരം ട്രാഫിക് സർക്കിളിൽ ടിപ്പർ ലോറിയും ബൈക്കും തമ്മിൽ കൂട്ടിയിടിച്ച് മധ്യവയസ്കന് പരിക്കേറ്റു. ചെറുകുന്ന്  പുന്നച്ചേരി സ്വദേശി ഇ. വി. തങ്കച്ചനാണ് (58) പരിക്കേറ്റത്. ഇയാളെ പഴയങ്ങാടി താലൂക്ക് ആശുപത്രിയിൽ  പ്രവേശിപ്പിച്ചു. ഇന്ന് രാവിലെ 9.45 മണിയോടെയാണ് അപകടം.

ഏഴോം
ഭാഗത്തുനിന്ന് ചരൽ മണ്ണുമായി വരികയായിരുന്ന ടിപ്പർ ലോറിയും ബൈക്കും  കൂട്ടിയിടിച്ചാണ്  അപകടം.  ടിപ്പർ ലോറി  ബൈക്കിൽ ഇടിച്ചതിനെ തുടർന്ന് ബൈക്ക് യാത്രികനായ  തങ്കച്ചൻ തെറിച്ചു വീണു.
ടിപ്പർ ലോറിയുടെ മുൻ ചക്രം  ബൈക്കിൽ  കയറിയ നിലയിലാണ്. ട്രാഫിക്ക്  സർക്കിളിന്റെ  അശാസ്ത്രീയ നിർമ്മാണത്തെ തുടർന്ന് നിത്യേന ഇവിടെ അപകടം പതിവാകുന്നുണ്ട്.