ടോറസ് ലോറി സ്കൂട്ടറിൽ ഇടിച്ച് സ്കൂട്ടർ യാത്രക്കാരന് ദാരുണാന്ത്യം

ചെറുപുഴ: ടോറസ് ലോറിയിടിച്ച് സ്കൂട്ടർ യാത്രക്കാരന് ദാരുണാന്ത്യം. ചെങ്കൽ തൊഴിലാളി ഈസ്റ്റ് എളേരി
നാട്ടക്കൽ കരുവാങ്കയം സ്വദേശി പുതുശേരി ഹൗസിൽ കുമാരൻ (58) ആണ് മരണപ്പെട്ടത്.
ഇന്ന് രാവിലെ 6.57 ന് ചെറുപുഴ മേലേ ബസാറിൽ വെച്ചാണ് അപകടം.യാത്രക്കാരൻ്റെ ദേഹത്ത് കയറി ഇറങ്ങിയ ലോറി അപകടത്തെ തുടർന്ന് നിർത്താതെ പോയി. പ്രദേശത്തെനിരീക്ഷണ ക്യാമറകൾ പരിശോധിച്ച ചെറുപുഴ പോലീസ് ലോറി പിന്നീട് കസ്റ്റഡിയിലെടുത്തു.മൃതദേഹം പരിയാരത്തെ കണ്ണൂർ ഗവ.മെഡിക്കൽ കോളേജിലേക്ക് മാറ്റി.
ഭാര്യ: ഉഷ. മക്കൾ:ദീപ,ശ്രുതി, സൂരജ്
മരുമക്കൾ: പ്രദീപ്, സന്തോഷ് .ചെറുപുഴ പോലീസ് മൃതദേഹം ഇൻക്വസ്റ്റ് നടത്തി.