യുവാക്കളെ ആക്രമിച്ച് വാഹനം തകർത്ത ആറു പേർക്കെതിരെ കേസ്

കണ്ണൂർ: ഇരുചക്രവാഹനയാത്രക്കാരെ ആക്രമിച്ച് സ്കൂട്ടർ തകർത്ത ആറു പേർക്കെതിരെ പരാതിയിൽ ടൗൺ പോലീസ് കേസെടുത്തു. അലവിൽ കല്ലടത്തോട് സ്വദേശി പി. ശങ്കരാനന്ദിൻ്റെ (30) പരാതിയിലാണ് സുബൈർ, സഫ്വാൻ, ഷഫീഖ്, കണ്ടാലറിയാവുന്ന മറ്റ് മൂന്ന് പേർ ഉൾപ്പെടെ ആറു പേർക്കെതിരെ ടൗൺ പോലീസ് കേസെടുത്തത്.13 ന് ശനിയാഴ്ച രാത്രി 11.45 ഓടെ പുഴാതി സാദിരി പള്ളിക്ക് സമീപത്തായിരുന്നു സംഭവം. പരാതിക്കാരൻ്റെ സുഹൃത്തായ മുഹമ്മദ് സുഫൈദിനെ ആക്രമിച്ച് പരിക്കേൽപ്പിക്കുകയും ഇവർ സഞ്ചരിച്ച കെ.എൽ.13.എ.എസ്.8287 നമ്പർ സ്കൂട്ടർ അടിച്ചു തകർത്ത് 15,000 രൂപയുടെ നഷ്ടം വരുത്തിയതായും പരാതിയിൽ പറയുന്നു.കേസെടുത്ത പോലീസ് അന്വേഷണം തുടങ്ങി.