മയ്യിൽ : നിയന്ത്രണം വിട്ട കാർ വൈദ്യുതത്തൂണിലിടിച്ച് തകർന്നു. മയ്യിൽ തായംപൊയിലിൽ ഞായറാഴ്ച ഉച്ചയ്ക്ക് രണ്ടരയോടെയാണ് സംഭവം. കെ.എസ്.ആർ.ടി.സി. കണ്ടക്ടർ തരിയേരിയിലെ ജാഫറിന്റെ കാറാണ് അപകടത്തിൽപ്പെട്ടത്. കാറിന്റെ മുൻഭാഗം പൂർണമായും തകർന്നു. മയ്യിലിൽനിന്ന് തരിയേരിയിലേക്ക് പോകുകയായിരുന്നു കാർ.
കാറോടിച്ച ജാഫറിന് നിസ്സാര പരിക്കേറ്റു. കാറിടിച്ചതിനെത്തുടർന്ന് നിലച്ച വൈദ്യുതബന്ധം കെ.എസ്.ഇ.ബി. ജീവനക്കാരുടെയും നാട്ടുകാരുടെയും ഇടപെടലിൽ പുനഃസ്ഥാപിച്ചു. മയ്യിൽ കെ.എസ്.ഇ.ബി.യിലെ സബ് എൻജിനീയർ രാധേഷ്, ലൈൻമാൻമാരായ രഞ്ചിത്ത്, മെറിൻ, ചുന്ദരൻ സുമിത്രൻ, മനോജ്, സുമേഷ് എന്നിവരുടെ സംഘവും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.